यातायात व्यवसायीद्वारा बन्दविरुद्ध आन्दोलनको चेतावनी

काठमाडौं, साउन ७। यातायात व्यवसायीले बन्दविरुद्ध आन्दोलनको चेतावनी दिएका छन्। आज रिपोर्र्टर्स क्लब नेपालमा पत्रकार सम्मेलन आयोजना गरी बन्द हडतालले व्यवसाय धरापमा परेको र तोडफोड हुँदा पनि राज्यले केही गर्न नसकेको भन्दै आन्दोलनको चेतावनी दिनएका हुन्।
नेपाल यातायात व्यवसायी राष्ट्रिय महासंघका अध्यक्ष दिनेश भण्डारीले सरकार र बन्दकर्ताको दोहोरो मारमा परेको भन्दै संघर्षको विकल्प नभएको बताए। सरकारले हचुवाका भरमा तेस्रो पक्ष बिमा पांच लाख तोकिएको, भन्सार महशुलमा ५ प्रतिशतले वृद्धि गरेको, विद्यार्थी सहुलियतवापत कर र नविकरणमा विशेष छूट माग गर्दा बेवास्ता नभएको भन्दै आफूहरु मर्कामा परेको बताए। बन्द हडतालका क्रममा सवारीसाधनलाई तारो बनाई तोडफोड गरिएकाले त्यसविरुद्ध पनि उत्रने बताए।
महासंघका महासचिव डोलनाथ खनालले व्यवसायलाई धरापमा पार्ने गरी गतिविधि हुँदा पनि सरकारले केही गर्न नसकेको बताए। सरकारले सुरक्षा दिन नसक्ने तर कर बढाउने गरेको, र्सार्वजनिक सवारी साधनबाट फाइदा लिएर तिनैबाट तोडफोड हुनेगरेको भन्दै कडा कदम चाल्ने चेतावनी दिए।