चापाचो हत्याकाण्डका पिडितद्वारा संघर्षको घोषणा

काठमाडौं, ६ साउन। भक्तपुरको चापाचो हत्याकाण्डका पिडितहरुले संघर्षका कार्यक्रम घोषणा गरेका छन्। आज रिपोर्र्टर्स क्लब नेपालमा पत्रकार सम्मेलन गरी संयुक्त नागरिक संर्घष्ा समिति कोटेश्वरले दोषीमाथि तत्काल कारबाहीको माग गर्दै आन्दनोलनको घोषणा गरेका हुन्।
समितिले भोल विहान ११ बजे देखि १ बजेसम्म सिंहदरबार दक्षिणी गेट घेराऊ गर्ने, ८ गते उपत्यकाका सम्पर्ूण्ा शिक्षण संस्था बन्द गर्ने, ९ गते भक्तपुर बन्द गर्ने, १० गते राजनीतिक दल, विभिन्न संघसंस्था, नागरिक समाज, मानवअधिकारवादीलगायतसंग अर्न्तक्रिया गरी ११ गतेबाट अनिश्चितकालिन उपत्यका बन्द आव्हान गर्ने कार्यक्रम सार्वजनिक गरेको हो।
संघर्ष समितिकी संयोजक एवं मृतककी आमा शिरकुमारी गाहा मगरले देशमा कोही सुरक्षित नभएको बताइन्। आफ्ना छोराहरु जस्तै अरु पनि मारिनसक्ने भन्दै गम्भीर हुन आग्रह गरिन्।
संर्घष्ा समितिले घटनाको विषयमा गठन गरिएको छानविन समितिमा पिडित पक्षको तर्फाट एक जना प्रतिनिधि हुनुपर्ने, घटनामा मुछिएका सबै अपराधीहरुलाई तत्काल पक्राउ गरी र्सार्वजनिक गरेर कडाभन्दा कडा कारबाही हुनुपर्ने, दण्डहीनताको अन्त्य हुनुपर्ने र मृतकका परिवारलाई अबिलम्ब उचित राहतको व्यवस्था हुनुपर्ने माग राखेको छ।
स्मरणीय रहोस् गत असार २३ गते चापाचोमा अपहरणको आरोपमा जीवन गाह मगर, सविन महत क्षेत्री र वसन्त लामाको निर्ममतापर्ूवक हत्या भएको थियो। घटनाका घाइते सरोज र्राईको गम्भीर अवस्थामा उपचार भइरहेको छ। उनका मानसिक सन्तुलन ठिक नभएको बताइएको छ।