वीरगंज, २९ असार । नेपाल आमसंचार मंचका केन्द्रीय उपाध्यक्ष सुदर्शनराज पाण्डेले नेपालमा १०३ जनजाति, ९२ भाषाभाषी रहेको र जनजातिको भाषाभाषीको माउ भाषा राष्ट्रभाषा नेपाली रहेको बताउनुभयो। उहाले देशभक्तिको मिलनविन्दू र एकता राष्ट्रभाषा नेपाली रहेको बताउनुभयो।नेपाल आम संचार मंच -फोमन) पर्सा शाखाद्वारा आयोजित नेपालका राष्ट्रिय विभूति आदिकवि भानुभक्त आचार्यको १९६ औं जन्मजयन्ति तथा नेपाल भाषा आन्दोलन शान्ति र्याली तथा कविता वाचन समारोहलाइ सम्बोधन गर्दै उहांले सो कुरा बताउनुभएको हो।
प्रमुख अतिथि एवं वरिष्ठ साहित्यकार डा. भीमचरण थापालाई नेपाल आम संचार मंचका केन्द्रीय उपाध्यक्ष सुदर्शन राज पाण्डे र फोमन पर्साका अध्यक्ष महेशचन्द्र गौतमले दोसल्ला ओढाएर सम्मान गर्नुभएको थियो।
सो समारोहमा स्थानीय साहित्यिक संस्था नारायणी वाङमय प्रतिष्ठान, नेपाल भोजपुरी प्रतिष्ठान पर्सा, नयां नेपाल भोजपुरी साहित्य परिषद, प्रगतिशील भोजपुरी साहित्य परिषद नेपाल, प्रभात काव्ययात्रा पर्सालाई पनि फोमनको तर्फाट दोसल्ला तथा कदरपत्र प्रदान गरिएको थियो।
Comments
Post a Comment