वीरगंज १५ साउन । मधेशी जनअधिकार फोरमका अध्यक्ष तथा पूर्व परराष्ट्रमन्त्री उपेन्द्र यादवले उपराष्ट्रपतिको सपथको सम्बन्धमा सर्वोच्चले आफनो क्षेत्राधिकार भन्दा बहिर गएर निर्णय गरेकेाले सो आदेश फोरमले पालना नगरेको बताए।
सार्वजनिक पदमा बसेका व्यक्तिले प्रयोग गर्ने भाषा तथा भेषभुषामा उत्पन्न समस्या न्यायिक नभइ राजनीतिक मुद्दा भएको जिकिर गर्दै यादवले सो समस्या संविधान अनुसार समाधान गरिनुपर्ने बताए।
रिपोटस्र क्लब पर्साले वीरगंजमा आयोजना गरेको पत्रकार सम्मेलनमा बोल्दै अध्यक्ष यादवले अहिलेकॊ सरकार हरुवाहरुको लाचार र बैशाखीको सहारामा उभिएको सरकार भएको आरोप लगाउंदै यस सरकारले कुनै गतिलो काम गर्न नसक्ने ठोकुवा गरे । सरकारले मधेशीदलहरुको सहमति विना ल्याएकेा विशेष सुरक्षा योजनाको आडमा निर्दोषहरुलाई दण्डित गरेर मुलुकमा झनै आतंक मच्याएको आरोप लगाए। अध्यक्ष यादवले शान्ती कायम गर्छु भनि प्रतिबद्धता जनाउँदै हिड्ने गृहमन्त्रीले पहिले युथफोस्रको अराजक गतिविधि बन्द गरेर देखाउन चुनौती दिए।
यादवले कांग्रेस सभापति गिरिजाप्रसाद कोइरालाले मधेशी तथा दलित जनजाती पिछडावर्गले चाहेको संघियता विपरित अभिव्यक्ति दिएको बताउंदै त्यसप्रति आपत्ति जनाए। अहिलेको सरकारले लोकतन्त्रविरोधी षड्यन्त्र गरिरहेका आरोप लगाउंदै लोकतन्त्र संस्थागत गर्न फोरम तेस्रा मधेश आन्दोलनको तयारीमा रहेकेा बताए।
Comments
Post a Comment