मेडिकल कलेज शिक्ष्ँण अस्पतालको हाताभित्र रहेको यमन ड्रग्स हाउसले
प्रयोग मिति सकिएको -डेट एक्स्पायर) Amikatail-500 (Amikacin sulphate
injection I.P.) औषधि बिक्री गरी सोही अस्पतालमा भर्ना भएका रोगी ३२
वषर्ीय शेख जाकिर हुसैनको ज्यानसंग खेलवाड गरेको बुझिन आएको छ।
बारा, इनर्वासिरा प्रहरी चौकीका प्रहरी जवान शेख सहबजानको सालो रहेका
शेख जाकिरलाई उक्त अस्पतालमा पेटमा घाउ भइ करिब २० दिनदेखि भर्ना गरी
उपचारको लागि राखेकोमा आज अस्पतालको बेड नं. ४४२ र्सर्जिकल वार्डमा भर्ना
भएका जाकिरलाई नर्सले उक्त ड्रग हाउसबाट खरिद गरी ल्याएको सो इन्जेक्सन
लगाउंदा तत्काल प्रतिकूल असर भइ बेहोस भएपछि नर्सले फालेको इन्जेक्सन
हर्ेदा डेट एक्स्पायर भएको थाहा पाएको रोगीका भिनाजु शेख सहबजानले बताएका
छन्।
बिहानको करिब ११ बजे इन्जेक्सन लगाइएको शेख जाकिरको अवस्था हाल सामान्य
रहे पनि प्रयोग मिति सकिएको औषधि बिक्री गर्ने यमन ड्रग्स हाउस एवं
रोगीलाई इन्जेक्सन लगाउने नर्सलाई अस्पताल प्रशासनले कारबाही गर्ने मौखिक
आश्वासन दिए पनि पीडितहरू सो आश्वासनबाट विश्वस्त छैनन्। उक्त घटनाका
सम्बन्धमा रोगीका आफन्तहरूले अस्पताल प्रशासनले सो घटना सम्बन्धमा सत्य,
तथ्य छानबिन गरी कारबाही नचलाएमा पत्रकार सम्मेलन गरी सो कुराको बारेमा
जानकारी गराउने समेत यस दैनिकलाई बताएका छन्।
Comments
Post a Comment