क्रसर मजदूरहरुको आन्दोलन जारी स्थिति तनावपूर्ण

-सुभाषप्रसाद साह-
बारा ९ भदौ । बिभिन्न माग गर्दै आन्दोलन गरिरहेका क्रसर उद्योगीहरुको आन्दोलन आज दोस्रो दिन पनि जारी रहेको छ। उनीहरुले महेन्द्र राजमार्ग अन्तरगत पर्ने बाराको अमलेखगंजमा यातायात अवरुद्ध गरी आफनो आन्दोलन जारी राखेका छन्।

सरकारले गिटी बालुवा निकासीमा गरेको भन्सार शुल्क बृद्धी घटाउनु पर्ने आरक्ष क्षेत्रबाट क्रसर उद्योग हटाउने वन मन्त्रालयको निर्णय फिर्ता हुनुपर्ने लगएतका माग गर्दै क्रसर उद्योगका व्यवसायी तथा मजदुरहरुले आन्दोलनमा उत्रेका हुन्।

यता प्रहरी र आन्दोलनरत क्रसर उधोगीहरु बीच हिजो साझ भएको दोहोरो भिडन्तमा परी हेटौडा रातोमाटो गणमा कार्यरत २३ बर्षीय प्रहरी जवान संजिव बर्माको मृत्यु भए पछि सो क्षेत्रमा अहिले तनाव रहेको छ। सो भिडन्तमा परी प्रहरी तथा आन्दोलनकारीतर्फबाट दर्जनौ घाईते भएका छ।