वीरगंज ७ भदौ । थारु कल्याणकारिणी सभा केन्द्रय समितिले आज एक प्रेस विज्ञप्ति जारी गरी तराईमा चारवटा प्रदेश हुनुपर्ने अवधारणा प्रस्तुत भएको जनाएको छ। सो विज्ञप्तिमा सो अवधारणालाई थारु समुदायका राजनीतिक नेता तथा बुद्धिजिवीहरुले समेत समर्थन गरेका छन् । तराईमा प्रदेश निर्धारणको तरिका विषयक कार्यक्रममा सभासद महेश चौधरी र बुद्धिजीवी ज्योति दनुवारले तराईमा चारवटा प्रदेश हुनुपर्ने अवधारणा प्रस्तुत गर्नुभएको हो । उहाँहरुले प्रस्तुत गरेको अवधारणामा पूर्वमा कोचिला या औल थरुहट प्रदेश जनक या गढीमाई प्रदेश लुम्बिनी प्रदेश र थरुहट प्रदेशको अवधारणा प्रस्तुत गर्नुभएको हो । यो अवधारणाले एक मधेश एक प्रदेशको एकात्मकवादी तथा तराईका सम्पूर्ण आदिवासी समुदायलाई मधेसी नेताहरुको कमैया बनाउने अभियानलाई समाप्त पार्ने विचार उहाँहरुले राख्नुभएको थियो । उहाँहरुको अवधारणालाई समर्थन गर्दै सभासद नारदमुनी राना थारु नेपाली कांग्रेस केन्द्रिय सदस्य पदमनारायण चौधरी पूर्व सांसदद्धय ब्रम्हनारायण चौधरी र दुर्याेधन चौधरी लगायतकाले समर्थन गर्नुभएको थियो । यसैगरी कार्यक्रममा अधिवक्ता प्रदीप राजवंशी र ताजपुरिया कल्याण समाजका अध्यक्ष नित्यानन्द ताजपुरियाले तराईमा मधेशी एकात्मकवादका विरुद्ध बहुप्रदेश बनाइनुपर्ने विचार राख्नुभएको थियो ।
कार्यक्रममा वक्ताहरुले समग्र तराईलाई मधेशको नाममा या थरुहट प्रदेशको नाममा एउटै प्रदेश बनाइयो भने त्यहाँ मधेसी समुदायलाई मात्रै फाइदा हुने विचार राखेका थिए ।
कार्यक्रमको सभापतित्व थारु कल्याणकारिणी सभाका अध्यक्ष अष्टभुजा चौधरीले गर्नुभएको थियो ।
कार्यक्रममा वक्ताहरुले समग्र तराईलाई मधेशको नाममा या थरुहट प्रदेशको नाममा एउटै प्रदेश बनाइयो भने त्यहाँ मधेसी समुदायलाई मात्रै फाइदा हुने विचार राखेका थिए ।
कार्यक्रमको सभापतित्व थारु कल्याणकारिणी सभाका अध्यक्ष अष्टभुजा चौधरीले गर्नुभएको थियो ।
Comments
Post a Comment