खुलेयाम तस्करी गर्न छुट, हतियार भित्रिने सम्भावना

वीरगंज, १९ साउन। वीरगंज भन्सारको मूल नाकाबाट सशस्त्र प्रहरी नायब उपरीक्षक जनक बस्नेतले खुलेयाम तस्करी गर्न छुट दिएबाट खाद्यान्न, डेक, इन्जिन, स्टील, बेयरिङ, सारी, मोटरपार्टसको आडमा तस्करहरूले लागू औषध, विस्फोटक पदार्थ, हातहतियार, खरखजाना समेत भित्र्याउन सक्ने प्रबल संभावना बढेको छ।
करिब दुइ सातादेखि स्थानीय एवं भारत रक्सौलका आधा दर्जनभन्दा बढी तस्कर, कारोबारीहरूलाई भन्सार राजस्व चुहावट नियन्त्रण गस्ती टोली वीरगंजका सशस्त्र प्रहरी नायब उपरीक्ष्ँक जनक बस्नेतले भन्सार मूल नाकाबाट तस्करी गर्न छुट दिएको बताइन्छ। भारत, रक्सौलका राजू, भुलन कोइरी उर्फ राजकुमार, वीरगंजका मुन्ना तेली, लामा, किसनदेव, हरदेव, मुस्तफा, मकबुल लगायतका तस्करहरूलाई टेम्पो एवं टांगाबग्गी तथा साइकलबाट तस्करी गर्न छुट दिएका सशस्त्र प्रहरी नायब उपरीक्ष्ँक बस्नेतले निजहरूसंग निश्चित रकम मासिक लिने गरेको स्रोतको दाबी छ।
तस्करहरूले वीरगंज भित्र्याउने गरेको दैनिक जीवनमा प्रयोग गरिने उल्लेखित सामानहरू बाहेक आरडीएक्स, हातहतियार, खरखजाना एवं लागू औषध समेत रहन सक्ने सोही स्रोतको दाबी छ। बिहानको ११ बजेदेखि बेलुकी ६ बजेसम्म लाइन लिएका तस्करहरूलाई भन्सार मूल नाकाबाट तस्करीको सामान भित्र्याउन छुट दिएका स.प्र.ना.उ. बस्नेतद्वारा मूल नाकामा डिउटीमा खटाइएका सशस्त्र प्रहरी उपरीक्षक एवं सशस्त्र प्रहरी तस्करीको सामानसमेतको टेम्पो भन्सार नाकामा पुग्दा चेकजांच नै नगरी अन्यत्र छेउछाउमा बस्ने गरेको बताइन्छ।
वीरगंज भन्सारको मूल नाकामा खटिने केही कर्मचारीहरू समेतलाई नजरानाको भरमा मिलाइ चेकजांच बिना आप\mनो तस्करीको सामान समेतको टेम्पो वीरगंज नाका भित्र्याउने छुट पाएका तस्करहरूको उक्त टेम्पोमा के भित्र्याएका छन् भन्ने कुरा भन्सार कर्मचारी एवं सशस्त्र प्रहरीलाई केही थाहा हुंदैन। यसरी निश्चित रकमको प्रलोभनमा परी आप\mनो उज्जवल भविष्य समेतलाई दाऊमा लगाइरहेका सशस्त्र प्रहरी नायब उपरीक्षक बस्नेतले वीरगंज भन्सारको मूलनाकाबाट खुलेयाम तस्करी गर्न छुट दिएबाट राष्ट्रको राजस्वमा मात्र घाटा नभइ भित्रिनसक्ने हतियार, विस्फोटक पदार्थ, खरखजानाले राष्ट्रिय खतरासमेतलाई निम्त्याएको स्रोतको भनाइ छ।
यर्सतर्फ सम्बन्धित निकायले बेलामै संवेदनशील रूपमा सजग हुनुपर्ने नितान्त देखिएको यस दैनिककोे भनाइ छ।