भारतीय गाडी आयातकर्ताको सिंडीकेटको कारण कोरियन गाडीको भंसार मुल्याकन वृद्धि

बीरगंज ६ असोज । बीरगंज भंसार कार्यालयले विगतमा कोरियन टुक्सन गाडीको मुल्याकन 9000 युएसडलर गर्दै आएको थियो । तर भारतीय गाडी आयातकर्ताहरुको सिंडीकेटको दवाबमा त्यस गाडीको मुल्याकन दोब्बर गरिएको छ । युएसडलर 9000 को दरले लागत मुल्य पर्ने भन्ने आकलनले पैठारी गरी ल्याईएका गाडीहरु बीरगंज भंसार र कलकत्ता बंदरगाहमा अल्पत्र परेका छन । स्वीकृत बैकिंग प्रकृयाबाट आयात गरीएको वस्तुमा आफैले कायम गरेको अभिलेख मुल्यलाई समेत लत्याएर पुर्व प्रभावी मितीबाट मुल्याकन वृद्धि गर्नु अन्यायपुर्ण रहेको गुनासो पैठारीकर्ताहरुको रहेको छ । भंसार कार्यालय यदि आफ्नो मुल्याकनमा अडिग रहन्छ भने हाम्रो बिजक अनुसारको वास्तविक मुल्य र कलकताबाट ल्याउनमा लागेको खर्च तिरेर भंसार कार्यालयले नै हाम्रो गाडी खरीद गरी लिनु पर्ने मांग पनि पैठारीकर्ताहरुको रहेको छ । अन्यथा, भंसार कार्यालयले मुल्याकन वृद्धि गर्ने निर्णय गरेको मिती भन्दा पुर्व पैठारी भएको गाडीहरुलाई पहिलेको अभिलेख मुल्य कै आधारमा जांच पास गरीनु पर्ने उनीहरुको अडान रहेको छ ।

कोर्रियन दुतावासले पैठारी गर्दा नियातकर्ताले बढी मुल्यको बिजक बनाएको कारण मुल्याकन बढाईएको अडान भंसार विभागको रहेको छ । तर सो गाडी फुल अप्सन भएको र सरकारी खरीदमा जहा पनि केही तल माथि हुने गरेकोले सो कुरा लाई आधार बनाई मुल्यांकन बढाउन न हुने तर्क आयातकर्ताहरुले अघि सारेको छन । साथै भंसार विभाग भारतीय गाडी पैठारीकर्ताहरुको सिंडीकेटको ईशारामा काम गरेको समेत आरोप लगाएका छन ।