चरेश ढुवानी गर्दा पक्राउ परेको टाटासुमो छाड्ने तारतम्य

वीरगंज २० भदौ। जिल्ला प्रहरी कार्यालय पर्साले १८ दिन अघि पसा्रकै श्रीसिया पुल नजिकबाट ना १ ज १९०० नम्बरको टाटा सुमो गाडीमा लुकाइ ल्याएको १ सय ११ केजी चरेश सहित दुईजना व्यक्तिलाई रंगेहात पक्राउ गरी थप अनुसन्धान चलाइरहेको बखत पक्राउ परेको टाटासुमो गाडी १ लाख रकम नजरानाका भरमा छाड्ने तारतम्य मिलाइरहेको तथ्य सार्वजनिक भएको छ।

मकवानपुर हेटौडाका किरण कटुवालको नाममा रहेको टाटासुमो गाडी छुटाउन निकै दिनदेखि कटुवालले मानिस पठाइ मोलतोल गरेपश्चात १ लाखमा कुरा मिलेपछि पसा्र प्रहरीले सो गाडी भाडामा प्रयोग भएको देखाइ छाड्न थालेको बताइन्छ ।

भरपर्दो स्रोतका अनुसार पक्राउ परेको चरेशका कारोबारी समूहको एक सदस्य स्वयं टाटासुमो धनी कटुवाल समेत हुन सक्ने आशंका उठिरहेको बेला पसा्र प्रहरीले टाटासुमो धनीलाई हाजिर गराइ केरकार गर्नुपर्नेमा सो नगरी नजरानाका भरमा उक्त गाडी छाड्न थालेको बताइन्छ।

सोही स्रोतका अनुसार टाटासुमो गाडीका चालक बारा कलैया बस्ने रमेश राउत कुर्मी एवं मकवानपुर हेटौडाका तिलकबहादुर तामाङलाई चरेशसहित रंगेहात पक्राउ गरेको पर्सा प्रहरीले दोश्रो दिन जिल्ला अदालत पसा्रबाट म्याद थप गरी प्रहरी हिरासतमा राखी थप अनुसन्धान अगाडि बढाएको बखत मुद्दाको किनारा नलाग्दैको अवस्थामा रु १ लाख नजराना लिइ पकि्रएको टाटासुमो गाडी छाड्ने तारतम्यमा जुटेको घटनाले पसा्र प्रहरी मात्रलाई बदनाम नबनाइ प्रहरी संगठन समेतको गरिमामा आंच पुर् याएको छ।