काठमाडौं २३ भदौ। नेपालबाट ब्यबसायिक रुपमा प्रकाशित भएका पत्रपत्रिकाहरु अनिबार्य रुपमा सुचना बिभागमा दर्ता गर्न आबश्यक रहेको छ। सरकारी क्षेत्रबाट दिने लोककल्याणकारी बिज्ञापन दिने निकाय समेत रहेको सुचना बिभागमा भने पत्रिकाहरुको बेहाल छ। ठाउँ नै नपुग्ने भए पछि आए जति पत्रिका मध्ये मुख्य मुख्य पत्रिका मात्र वाचनालयमा राखिन्छन्। अरु पत्रिका सिधै गोदामा लगेर थन्काइन्छन्। वाचनालयमा समेत पत्रिकाहरुको बिजोग छ। त्यहाँ पत्रिकाका चाङ तेबुलमुनि फालेर राख्ने गरिएको छ। नेपालमा पाठक भन्दा पत्रकार बढी पत्रकार भन्दा पत्रिका बढी भएर यसो भएको हुनु पर्दछ। लोककल्याणकारी बिज्ञापन दिने भए पछि हालसम्म बिभागमा करीब ५५ सय पत्रपत्रिका दर्ता छन्। एकै मानिसले समेत धेरै वटा पत्रिका निकाल्ने गरेको छ। सम्पादक र प्रकाशक समेत एकै ब्यक्ति हुने यस किसिमका पत्रिकाहरु बिभागको गोदामा थन्किएका छन्। खास भन्ने हो भने यी पत्रिकाको कारण ब्यबसायिक रुपमा पत्रिका चलाइरहेकाहरुले पाउने पर्ने सरकारी सुबिधा कतौती भएको छ।
कतिपय पत्रिकाहरु फोटोकपी गरेर बुझाइएका हुन्छन्। यसरी बुझाइएका पत्रिकाहरुले समेत बिभागबाट दिने लोककल्याणरी बिज्ञापन पाइरहनु दुखको कुरा भएको छ। फाल्नु पर्ने पत्रिकाहरुलाई बिज्ञापन दिन नपर्ने निती बिभागले ल्याउनु पर्ने देखिन्छ। पत्रकारिताको मर्म अनुसार चलेका अखवारहरुलाई मात्र बिज्ञापन दिने सरकारी निती आउन ढिलो भैसकेको छ। बर्गीकरणको नियमलाई कडा गर्ने हो भने यी अखवार बिभागमा दर्ता गर्न पर्ने देखिदैन। अनाबश्यक पत्रिका दर्ता नगरे पछि आबश्यक पत्रिकाहरुको ब्यबस्था गर्न बिभागलाई सजिलो हुनेछ। बजारमा कतै नपाइने र बिज्ञापनदाताहरुलाई मात्र बितरण गरिने यस्ता पत्रिकाको संकलन गरेर राख्ने सुचना बिभागले आम पत्रकारहरुलाई अपमान मात्र गरेको छैन पत्रकारिताको बिकासको लागि बाधककौ रुपमा देखा परेको छ। आगामी दिनमा बिभागले यस बिषयमा गम्भिर भएर सोच्न आबश्यक रहेको छ। - रविन राचलिका हरीत समूह भक्तपुर
Comments
Post a Comment