बीरगंज ६ असोज । / भारत-नेपाल सीमा क्षेत्रमा दिन्हु जस्तै लाग्ने गरेको जामको दृश्य र त्यसबाट आम नागरिकहरुले भोग्नु परेको पीडाबाट सबैजना परिचित नै छन । विश्वमा अन्यत्र यस प्रकारको अव्यवस्थित अंतराष्ट्रिय सीमा क्षेत्र हेर्न पाउनु दुर्लभ नै हुनु पर्छ । यस सम्बन्धमा नागरिक समाजले पटक पटक आवाज उठाउंदै आएको भएता पनि सम्ब्द्ध पक्षहरुले यस विषयमा पटक्कै संवेदनशीलता देखाएका छैनन । ट्राफिक प्रहरीहरु ट्राफिक नियंत्रण भन्दा ट्रकहरुबाट टीप शुल्क उठाउनमा नै मस्त रहेको त्य्हा हेर्न सकिन्छ । अर्को तिर सीमा क्षेत्रको अव्यवस्थाको ठुलो दोष बीरगंज भंसार कार्यालयलाई दिनु पर्ने नै हुन्छ। सडक भनेको सार्वजनिक आवत-जावतको लागि हुन्छ तर बीरगज भंसार बाहिर ठुला ठुला ट्रक र ट्रेलरहरु भंसार जांच पासको लागि दुबै तिर लाईन लगाएर पार्किंग गरिएको दृश्य जहिले पनि हेर्न सकिन्छ । भंसार कार्यालयले पैठारीको माल लिएर आएका ट्रकहरुलाई आफ्नो कम्पाउंड भित्र इंट्री गराएर विधी पुर्वक जांच पास गर्नु पर्ने हो। तर ट्रकहरुलाई मेनरोड मै पार्किंग गराई जांचपास गर्ने गरिएको बाट नै यो समस्या सृजना भएको जानकारहरुको भनाई छ । नेपालको संभवतः सबै भन्दा बढी महसुल असुल गर्ने भंसारको भौतिक पुरवाधारको अवस्था अति दयनीय रहेको छ । यस सम्बन्धमा बीरगंज उद्योग बाणिज्य संघका अध्यक्ष संग कुराकानी गर्दा बीरगंज भंसार क्षेत्रको व्य्वस्थापनको जिम्मा निजी क्षेत्रलाई न दिए सम्म समस्याको निराकरण हुन न सक्ने कुरा वहांले बताएका छन । निजी क्षेत्रको कुनै कम्पनी भंसार क्षेत्र व्यवस्थापनमा आए पछि लागत खर्च न बढाउनका लागि त्य्सको रेभेन्यु मोडेलको बारेमा भंसार प्र्शासनले खुला दिमागले सोच्नु पर्ने पनि उहांले सुझाव दिनु भएको छ । भंसार प्रशासनले मुल रुपबाट राजस्व स6कलनमा आफुलाई केन्द्रित राखनु पर्द्छ, अहिले भंसार क्षेत्र प्रबन्धनको जिम्मा पनि भंसार प्रशासनलाई नै दिइएकोबाट विभिन्न विसंगतीहरु सृजित भई रहेका छन । बीरगंज ड्राईपोर्टहरुको व्य्वस्थापन निजी क्षेत्रका कम्पनीबाट भई रहेकोले सिद्धांत रुपले भंसार क्षेत्रको व्यवस्थापन निजी क्षेत्रबाट हुनु नेपालको लागि नौलो नहुने कुरा एक जना भंसार एजेंटले बताएका छन ।
बीरगंज भंसार क्षेत्रको व्यवस्थापन निजी क्षेत्रले गर्छ की पुर्ववत रुपमा सरकारी कर्मचारीले हेर्ने हो यो निर्णय भंसार विभाग र अर्थ मंत्रालयले लिने कुरा हो । तर यदि सरकारी निकायले नै यो काम हेर्ने हो भने बीरगज भंसारले आफ्नो कार्यशैलीमा यथोचित सुधार ल्याउन आग्रह नागरिकहरुको रहेको छ ।
बीरगंज भंसार क्षेत्रको व्यवस्थापन निजी क्षेत्रले गर्छ की पुर्ववत रुपमा सरकारी कर्मचारीले हेर्ने हो यो निर्णय भंसार विभाग र अर्थ मंत्रालयले लिने कुरा हो । तर यदि सरकारी निकायले नै यो काम हेर्ने हो भने बीरगज भंसारले आफ्नो कार्यशैलीमा यथोचित सुधार ल्याउन आग्रह नागरिकहरुको रहेको छ ।
Comments
Post a Comment