आक्रोशित हुदै देउवा पत्रकार सम्मेलनबाट बाहिरिए

दीपक गौतम, बागलुङ, १२ कार्तिक। प्रेस युनियन बागलुङले आज बागलुङमा आयोजना गरेको पत्रकार सम्मेलनमा प्रमुख अतिथिको रुपमा उपस्थीत भएका नेपाली काग्रेसका बरिष्ठ नेता शेरबहादुर देउवा पत्रकारहरुले सुजाता कोईरालालाई उप-प्रधानमन्त्री बनाईएको बिषयमा प्रश्न गरेपछि कार्यक्रम छोडेर हिडेका छन्।
हिजो बागलुङका आएका काग्रेसका बरिष्ठ नेतालाई सुजातालाई उप-प्रधानमन्त्री बनाईएको बिषयमा तपाईको भनाई के छ भनि प्रश्न सोधेपछि त्यस बिषयमा अहिले कुरा नगरौं भन्दै बाहिरिएका हुन्।
कार्यक्रमबाट बाहिरिनु पर्ुव काग्रेस नेता देउवाले एकिकृत नेकपा माओवादीले अहिले आन्दोलन गर्ने समय नभएको भन्दै आन्दोलन छाडेर सहमतिमा आउन आग्रह गरेका छन्। सेनामा माओवादीले अनावश्यक हस्तक्षेप गरेपछि सेनालाई जोगाउन राष्ट्रपतिलाई १८ दलले आग्रह गरेकोले १८ दलले नैतिक आधारमा भएपनि राष्ट्रपतिको कदम सहि हो भन्नुपर्ने बताएका छन्।
सेनापति प्रकणमा राष्ट्रपतिले चालेको कदम असंबैधानिक भएकोले त्यसलाई सच्चाउनु पर्ने बताउदै आन्दोलनमा उत्रिएको नेकपा माओवादीलाई प्रधानमन्त्रीको राजिनामा माग्ने अधिकार नभएको पनि उनले जिकिर गरे। माओवादीले कम्तीमा पनि संसदबाट बजेट पारित हुन दिनु पर्ने उनको माग छ। यदि संसच अवरुद्ध भईरहे के हुन्छ भनि सोधिएको प्रश्नमा उनले बजेट अध्यादेश मार्फ भएपनि पारित गराएर छाड्ने दृढता व्यक्त गरेका छन।