लक्ष्मीप्रसाद देवकोटाको सत्वाषिर्कीको अवसरमा विभिन्न कार्यक्रम

वीरगंज, ३० असोज । महाकवि लक्ष्मीप्रसाद देवकोटाको सत्वार्षिकी कार्यक्रम अर्न्तर्गत कविता वाचन तथा चित्रकला प्रतियोगिता सम्पन्न भयो।
आज वीरगंज उद्योग वाणिज्य संघको सभाहलमा सम्पन्न सो कार्यक्रमको संयोजक लक्ष्मी साहित्य समाज वीरगंजका संयोजक महेशचन्द्र गौतमले गरेका थिए ।कार्यक्रमको प्रमुख अतिथि जिल्ला प्रहरी कार्यालय पर्साका प्रहरी उपरीक्षक सुबोध घिमिरे रहेका थिए।
कार्यक्रममा कवि विनोद तिमलसिना, गोपाल अश्क, सतिशचन्द्र सजल, इशहाक हुसेन ँनिशान’, लक्ष्मी शाक्य लगायतले कविता वाचन गरेका थिए।
यसैगरी सोही कार्यक्रम अर्न्तर्गत रहेको बाल चित्रकला प्रतियोगितामा मनकामना माध्यमिक विद्यालयका मनिष मानन्धरले प्रथम स्थान ओगट्न सफल भएका छन् भने सोही विद्यालयका रोहित सिंहले द्वितीय, सि ब्राइट प\mयुचर स्कूल माइस्थानकी निशा मुरारकाले तृतीय र सान्त्वना पुरस्कार सोही स्कूलका पायलले हात पारेकी छन्।