वीरगञ्ज १० कात्तिक, । वीरगञ्ज-पथलैया सडकखण्ड अन्तर्गत बाराको जितपुरमा आज बिहान साढे १० बजे भएको सवारी दुर्घटनामा दुई जनाको मृत्यु भएको छ भने एक जना गम्भीर घाइते भएका छन् । मृत्यु हुनेमा जितपुर ३ निवासी १८ वर्षीय बिनोद साह र दिलिप सर्राफ रहेका छन् ।
जितपुरबाट सिमरा तर्फ जाँदै गरेको ना २ ख ७१९८ नम्बरको ट्रक र विपरित दिशाबाट आउँदै गरेको ना २ ख ७०९१ नम्बरको ट्रकको बिचमा ना १२ प ९५५८ नम्बरको मोटरसाइकल चेपिँदा मोटरसाइलकमा सवार साहको घटनास्थलमै मृत्यु भएको हो ।
सर्राफको उपचारका लागि बीरगन्ज ल्याउदै गर्दा बाटोमै मृत्यु भएको प्रहरीले जनाएको छ ।
मोटरसाइकलमा सवार अर्का युवक रवि क्षेत्रि गम्भीर घाइते भएका छन् । घाईते क्षेत्रीको नारायणी उपक्षेत्रीय अस्पताल वीरगन्जमा उपचार भइरहेको छ ।
दुवै ट्रकलाई जितपुर प्रहरीले नियन्त्रणमा लिएको छ ।
Comments
Post a Comment