पिता अपहरणकारीको चंगुलबाट मुक्त, छोरा कब्जामै

सर्लाही, १८ कार्तिक । अज्ञात अपहरणकारीले बाबु र छोराको अपहरण गरेपछि पिता अपहरणकारीको कब्जाबाट मुक्त हुन सफल भएको मध्य क्ष्ँेत्र प्रहरी कार्यालय हेटौडाले आज जनाएको छ।
कार्तिक १७ गते सांझ ५ बजे किसनपुर गा.वि.स.-३ बस्ने उपेन्द्र ठाकुर अपहरणकारीको चंगुलबाट मुक्त भएका हुन् भने उनको छोरा २४ वर्षीय सरोजकुमार ठाकुर अपहरणकारीको चंगुलमा रहेका छन्।
कार्तिक १६ गते बीरगंजबाट घर तर्फआएका सरोजलाइ लिन पुगेका उनका पितालाइ लगुवा टोल नजिक बाटोमा अज्ञात हतियारधारी तीनजनाले मोटरसाइकलसहित अपहरण गरेको हो।
अपहरणकारीले पिता उपेन्द्रलाई छाडिदिएको भए पनि छोरा सरोजलाइ हालसम्म नछाडेपछि प्रहरीद्वारा व्यापक खोजतलास भइरहेको प्राप्त जानकारीमा उल्लेख छ।