ऐतिहासिक गढीमाई मेला आजदेखि सुरू

बारा, २५ कार्तिक । ऐतिहासिक गढीमाईको मेला यही कार्तिक २५ गते अर्थात् बुधवारदेखि सुरू हुंदैछ। मेलाको तयारी भइरहेको तथा यसपालिको मेलाको चहलपहल बढ्दै गएको प्राप्त समाचारमा उल्लेख छ। मेलामा भारतबाट खेल तमाशाहरू आइपुगेका छन्। भारत लगायत नेपालको विभिन्न स्थानबाट गढीमाइको दर्शन गर्न भक्तजनहरू आउने क्रम जारी छ। गढीमाइ मन्दिरका मूल पूजारी मंगल चौधरीका अनुसार गढीमाइ दर्शनको लागि दिनहुं दर्शनार्थीहरूको घुंइचो लाग्ने गरेको बताउनुभयो। पूजारी चौधरीका अनुसार यसपालिको मेला भव्य हुने र दर्शनार्थीहरू पनि विगत वर्षो तुलनामा बढी आउने आशा गरेका छन्। पूजारी चौधरीसंग एक प्रश्नमा उहांले भन्नुभयो बलि कुनै पनि हालतमा रोकिदैन। किनकि बलिले नै गढीमाईलाई विश्वमा चर्चित बनाएको छ। त्यसैले म ठोकुवा गर्छर्ुुक रामबहादुर बम्जन -तपस्वी)ले बलि रोक्न सक्दैन र रोक्ने शक्ति पनि छैन। यता रामबहादुर बम्जन
-तपस्वी)ले पटक पटक बलि रोक्ने चेतावनी दिंदै आइरहेका छन्। मेलाको सुरक्ष्ँाको लागि मेला समितिले स्वयंसेवक धेरै मात्रामा परिचालन गरेको छ। नेपाल सरकारबाट सक्दो सहयोग हुने हिजो मन्त्री मण्डलको बैठकमा गृहमन्त्री भीम रावलले बताउनुभएको एक नेताले जानकारी दिएका छन्। मेला धेरै आकर्ष हुने र शान्तिपर्ूण्ारुपले सम्पन्न हुने मेला मूल समितिका सदस्यले जनाएको छ। गढीमाइ मेलाको दुइजना अध्यक्ष छन् । मेला राम्रोसंग सम्पन्न हुने कुरामा बाराबासी ढुक्क छन्। यता गढीमाइको मेला नजिकिंदै जांदा खसी, बोका र रांगाको बिक्रीमा पनि भारी मात्रामा बढोत्तरी हुन थालेको छ। उक्त पशुहरुको मूल्य पनि आकाशिएको छ। पहिला दुइ तीन हजारमा पाइने खसी-बोका अहिले ५ देखि ६ हजार रूपैयांमा पनि पाउन नसकिएको स्थानीयवासीले बताए। खसी, बोका, परेवा लगायत अन्य सबैको मूल्यमा बढोत्तरी भएको स्थानीयवासी रामआधार यादवले बताए।