वीरगंज, २५ कार्तिक। कृषि तथा सहकारी राज्यमन्त्री करिमा बेगमले जिल्ला प्रशासन कार्यालय पर्साका प्रमुख जिल्ला अधिकारी दुर्गाप्रसाद भण्डारीमाथि हातपात गरेको विरोधमा आज देशभरका सम्पुर्ण सरकारी कार्यालय बन्द भएका छन्।
नेकपा माले पर्सा, नेपाल राष्ट्रिय कर्मचारी संगठन, निजामति राष्ट्रिय समिति, नेपाल निजामति कर्मचारी संगठन पर्सा, नेपाल राष्ट्रिय कर्मचारी महासंघ, स्थानीय निकाय कर्मचारी संघ नेपाल, नेपाल राष्ट्रिय कर्मचारी संगठन निजामति, नेपाल निजामति कर्मचारी युनियन पर्सा, मधेशी निजामति कर्मचारी पर्सा, नेपाल नगरपालिका कर्मचारी एशोसिएसन इकाइ समिति पर्सा, राष्ट्रिय स्वतन्त्र निजामति कर्मचारी पर्साले जारी गरेको संयुक्त प्रेस विज्ञप्तिमा मन्त्री बेगमलाई कारबाही नभएमा देशभरको सम्पूर्ण सरकारी कार्यालयहरु अनिश्चितकालको लागि बन्द गरिने घोषणा गरेको उल्लेख छ।
उता मन्त्री बेगमले एक पत्रकारमा बोल्दै प्रमुख जिल्ला अधिकारी भण्डारीले लगाएको आरोप गलत रहेको बताएकी छन्। उनले जिल्ला प्रमुख भएर मन्त्री सांसदको फोन नउठाउने, सा“झ परेपछि रेष्टुरेण्टमा गइ मदिरापान गर्ने, आप\mनो क्ष्ँेत्रमा सुरक्ष्ँा व्यवस्था दरिलो पार्न असक्षम रहेको र सिडिओले आफूलाई औंला देखाएको कारण कुटेको संचारकर्मीहरुलाई बताएकी छन् । मन्त्री बेगमले आफूले गरेको क्रियाकलापप्रति कुनै खेद नरहेको भन्दै सम्पूर्ण सरकारी कार्यालयका कर्मचारीहरुले बन्द फिर्ता नलिएमा कारबाही गर्ने चेतावनी समेत दिएकी छन्। उनले कार्यालय प्रमुखहरुले गर्ने भ्रष्टाचारको जरो उखाल्न सशक्त रुपले अगाडि बढ्ने पत्रकार सम्मेलनमा बताएकी छन्।
आफूलाई एयरपोर्टमा लिन थोत्रो गाडी पठाएको भन्दै राज्यमन्त्री बेगमले प्रजिअ भण्डारीलाई चार थप्पड हानेकी हुन्। प्रजिअको गालामा घाउ लागेको र चश्मा फुटेको छ।
प्रजिअ माथि हातपात गरेको लगत्तै स्थानीय संचारकर्मीहरुसंग मन्त्री बेगमले भनिन् म मन्त्री हु, पहिले मन्त्रीको आदेश नमान्ने सिडिओलाई कारबाही हुनर्ुपर्छ, अनि मात्र मैले गल्ती गरेकी छु कि छैन त्यो बहसको कुरा हुन्छ। प्रजिअ भण्डारीले म मन्त्रीको स्वागतमा तयार हुंदै थिए, मेरो कुरै नसुनेर एकैपटक हातपात गर्नुभयो भनेका छन्।
Comments
Post a Comment