असइ पराजुलीद्वारा महिनाबारी लिएर खादतस्करलाई तस्करी गर्न छुट

वीरगंज, ११ मंसिर । पर्साको परवानीपुर, हनुमान मन्दिरमा खटिएका असइ मेघराज पराजुलीले खाद मल तस्करसंग महिनाबारी असूल गरी अवैध रासायनिक मल छाड्ने गरेको समाचार प्राप्त भएको छ।
वीरगंजको तेजारथ टोल निवासी मनोज पंडित लगायत परवानीपुरमा रहेका करिब एक दर्जन मल तस्कर तथा वीरगंजका मल तस्करहरूले दिनहुं ठूलो परिमाणमा मल, खाद हेटौडा, नारायणघाट लगायतको स्थानमा पुर्‍याउने गरेका छन्। असइ पराजुलीले प्रत्येक खाद तस्करसंग रू एक हजार महिनावारी लिएर जतिसुकै पनि मल खादको तस्कर गर्न छुट दिएका छन् ।
दुइ-चार बोरा मलको तस्करी गर्नेहरूसंग प्रति बोराका दरले पैसा नउठाइ महिनाबारी लिएर मात्र छाड्ने गरेको बताइएको छ। महिनाबारी नदिनेको खाद-मल समाउने गरेका असइ पराजुलीले महिनाबारी दिने मलतस्करहरूको माल छाडने गरेको प्राप्त जानकारीमा उल्लेख छ। सो विषयमा बुझ्न असइ पराजुलीको मोबाइल नं. ९८४२०२६२९९ मा सर्म्पर्क गर्न खोज्दा सर्म्पर्क हुन सकेन ।
यस्ता भ्रष्ट प्रहरी अर्सइलाई जिल्ला प्रहरी कार्यालय पर्साका उच्च प्रहरी अधिकृतले संरक्षण दिएको कारण नै अर्सइ पराजुली हालसम्म कारबाहीबाट जोगिएको तथा खुला रुपमा भ्रष्टाचार गर्न पाएको स्रोतको दाबी छ।
यसैवीच ज्रि्रका पर्साले बिषेश सुराकीको आधारमा भन्सार छली बीरगंज भित्र्याउंदै गरेको अवस्थामा छपकैया स्थित बैष्णवी सिनेमा हल नजिबाट १८ बन्डल फोटोकापी पेपर र १४ बन्डल सिसाकलम पक्राउ गरेको छ। पक्राउ परेका सामानको मूल्य करिब ४० हजार रहेको बताइएको छ।