चमेरोघारीमा पर्यटक रमाए

भक्तपुर, ३ मंसिर । चमेरो बिश्व कै एकमात्र उड्न सक्ने स्तनधारी हो। उड्ने सक्ने भएकोले यसलाई आम मानिसहरुले पक्षीको रुपमा लिने गर्दछन्। बैज्ञानिकहरुको मतमा भने यो मानिस जस्तै स्तनधारी हो। भक्तपुरको सैनिक स्कुल र दुग्ध बिकास संस्थानको बीचमा रहेको डाँडामा पनि चमेरो घारी रहेको छ। स्थानीय युवाहरुको लागि पहिले देखि डेटिङ स्पट रहदै आएको सो घारीमा कार्तिक २१ गते भने हल्याण्डको एक टोली पर्यटकहरुले रमाइलो गरे। यहाँबाट चार श्रृखला पहाडहरुको पछाडि उपत्यका कै सबैभन्दा अग्लो फुलचोकी डाँडाहरु हेर्दै उनीहरुले नयां अनुभव गरेको कुरा सुनाए।
जाडोयाममा घामताप्न चाहने पर्यटकीय गन्तब्यको रुपमा सो डाँडालाई बिकास गर्न सकिने देखेर टेलिट्रान्स नामको ट्राभल कम्पनीका गाइड अनिल गोर्खालीले पर्यटकलाई पहिले पनि घुमाउन ल्याउने गरेको जानकारी गराए। सल्लाको मुढामाथि बसेर हरिया पहाड हर्ेन पाउदा पर्यटक निकै रमाइलो भएको कुरा पर्यटकहरुले भने। नेपाल कै पहिलो ६ लेनको अरनिको राजमार्ग भन्दा करीब एक मिटर उत्तरमा रहेको सो डाँडा भबिष्यमा रिर्र्सोटको रुपमा बिकास गर्न सकिने पर्यटक ब्यबसायीहरुको मत रहेको छ।
डाँडामुनि रहेको हनुमन्ते खोलामा कन्चन पानी बगाउने सकेमा त झन् सहर मै गाउँको अनुभव पाउन सकिने हरीत समूहका श्रीकृष्ण सितिखुको बिचार रहेको छ। राजमार्ग पारी रहेको सहर उन्मुख गाउँ कटुन्जे र्छलङ देखिन्छ। यहाँको प्रदुशणले गर्दा चमेरोहरुका संख्या बर्षोनी घट्दो छ। प्रकृतिका एक जीब चमेरो संरक्षण क्षेत्र घोषणा गरेर यहाँ पर्यटन गतिबिधि गर्न सकिन्छ।- रविन राचलिका हरीत समूह भक्तपुर