दुर्घटनामा एकजनाको मृत्यु

धादिङ, २० कार्तिक । धादिङको छुटाछुटै स्थानमा दुर्घटना हुँदा एकजनाको मृत्यु भएको छ भने आधा दर्जन घाइते भएका छन्।
आज बिहान पृथ्वी राजमार्गको बेनीघाट-९ सलाङ नजिकै बा.३१प ७९२६ नं.को मोटरसाइकललाई ना.२ख ५९४७ नं.को ट्रकले ठक्कर दिंदा मोटरसाइकलमा सवार भक्तपुर दधिकोट-४ बस्ने महेश खड्का र कृष्ण खड्का गम्भीर घाइते भएका छन्। घाइतेको मलेखु अस्पतालमा उपचार भइरहेको छ। ठक्कर दिने ट्रकचालक फरार भएको प्रहरीले जनाएको छ ।
ट्रकलाई पक्राउ गर्ने र्सतमा सो राजमार्ग बिहान सुचारु भएको थियो ।
आज बिहान बैरेनी-८ नजिकै बा.२ख ५५२० नं.को टिपरले बाटो काट्ने क्रममा एक महिलालाई ठक्कर दिंदा उनको घटनास्थलमै मृत्यु भएको छ। मृतकको नाम, थर खुल्न नसकेको तथा गाडी र चालक प्रहरी नियन्त्रणमा रहेको प्राप्त जानकारीमा उल्लेख छ।
आज बिहान बैरेनी-९ महेश दोभान नजिकै बा.१झ ७६६६ नं.को गाडी दर्ुघटना हुँदा दुइजना गम्भीर घाइते भएका छन्। घाइतेको वैरेनीमा उपचार भइरहेको छ।