वन फडानी गरेर सुकुम्बासीका नाममा बस्ती बसाउने प्रयासको भर्त्सना

वीरगंज, २१ मंसिर। कैलाली जिल्लाको बलिया गाविसमा मंसीर १९ गते भएको घटनाको थारु कल्याणकारिणी सभा घोर निन्दा गर्दै थरुहट क्षेत्रको वन फडानी गरेर सुकुम्वासीका नाममा वस्ती बसाउने जुन प्रयाशप्रति घोर भत्सर्ना गरेको छ।
सभाका महामन्त्री राजकुमार लेखीले जारी गरेको प्रेस विज्ञप्तिमा कैलालीको घटना सुकुम्वासीका नाममा वन क्षेत्र अतिक्रमण गरी मानव वस्ती बसाउने दुष्प्रयाश र सो वस्ती उठाउने क्रममा सरकारले गरेको दमनका कारणले भएको स्पष्ट भइसकेको उल्लेख छ।
विज्ञप्तिमा थरुहट तर्राई प्रदेशमा पहाडबाट जनसं्ख्या र्सार्ने तथा भारतबाट नागरिकता दिएर आप्रवासी बढाउने सरकार तथा विभिन्न राजनीतिक दलको प्रयाशको हामी कडा विरोध गर्दछौं। यस अघि पश्चिम सेती जलविद्युत आयोजनाबाट विस्थापित हुनेहरुलाई कैलालीमा बसोबास गराउने सरकारी प्रयाशको पनि हामीले कडा विरोध र संर्घष्ा गरेको स्मरण गराउँछौं। विस्थापितका नाममा होस् या सुकुम्वासीका नाममा होस्, थरुहट क्षेत्रमा पहाडी र मधेशीको जनसंख्या बढाएर थारु तथा अन्य स्थानिय आदिवासीलाई अल्पसंख्यकमा पार्ने षडयन्त्र तत्काल बन्द गर्न पनि हामी सम्बन्धित सबैलाई चेतावनी दिन चाहन्छौं। यसका साथै भारतीयलाई नागरिकता दिइ नेपालमा 'मधेशी' बनाएर तर्राईका आदिवासीलाई अल्पमतमा पार्ने काम पनि अविलम्ब बन्द गरियोस् भनी थारु कल्याणकारिणी सभा जोडदार माग सभाका महामन्त्री राजकुमार लेखीले गरेका छन्।