चपुर-गौर सडकखण्डमा सवारीसाधन ठप्प

रौतहट, ३० मंसिर । आफूहरुको मांग कार्यान्वयन नभएको विरोधमा रौतहट यातायात व्यवसायी संघले वीरेन्द्र राजमार्गको गौर-चपुर सडकखण्डमा यातायात ठप्प पारेका छन्।
आज बिहान संघका कार्यकर्ताहरुले सडकमा गाडी नचलाएपछि यात्रुहरु मर्कामा परेका थिए। करिब डेढ महिना अघि यातायात व्यवसायी संघले सडक मर्मत, बसको छतमा मानिसहरु बस्न नहुने र चक्का जाम गर्न नपाइने भनी सम्बन्धित निकायमा ज्ञापनपत्र बुझाए पनि हालसम्म कुनै सुनवाइ नभएको विरोधमा सवारीसाधन ठप्प पारेका हुन्।