अनिश्चितकालीन उद्योग, कलकारखाना बन्दविरुद्ध वीउवासंघद्वारा नो वर्क नो पे सिद्धान्त

वीरगंज, २४ मंसिर । एकीकृत नेकपा माओवादी सम्बद्ध भोजपुरा राज्य समितिले आजदेखि अनिश्चितकालका लागि भोजपुरा क्ष्ँेत्रमा रहेको सम्पूर्ण उद्योग, कलकारखाना बन्द गर्ने घोषणाप्रति वीरगंज उद्योग वाणिज्य संघको गम्भीर ध्यानाकर्षण भएको जनाएको छ।
आज वीउवासंघले एक प्रेस विज्ञप्ति जारी गरी उद्योग बन्द भएको मितिदेखि नो वर्क नो पेयको सिद्धान्त अनुसार मजदूर, कर्मचारीलाई पारिश्रमिक नदिन उद्योग बाध्य हुने उल्लेख छ।
उद्योग, कलकारखाना बन्द भएपछि श्रमिकको रोजगारी र उद्योगको उत्पादन नै ठप्प भइ राष्ट्रिय अर्थतन्त्रमा नै प्रतिकूल प्रभाव पर्न जाने देखिएकोले हुंदा उद्योग कलकारखानामा गरिएको बन्द कार्यक्रम यथाशीघ्र फिर्ता लिन सम्बन्धित पक्षसंग वीउवासंघले अनुरोध गरेको विज्ञप्तिमा उल्लेख छ।
नेशनल मेडिकल कलेजमा आन्दोलनरत मजदूरहरुको विवादलाइ लिएर माओवादीले आजदेखि भोजपुरा क्ष्ँेत्र अन्तर्गतका सम्पूर्ण उद्योग, कलकारखाना अनिश्चितकालीन बन्द गर्ने घोषणा गरेको हो।