वीरगंज, ५ पुस । एकीकृत माओवादीले पुस ५, ६ र ७ को आम हडताल घोषणा गरेपछि आज वीरगंजको जनजीवन प्रभावित भएको छ। आज बिहानैदेखि माओवादीका कार्यकर्ताहरु लाठीफाटा सहित वीरगंज बजार बन्द गराएका छन्, बन्दका कारण यहांको शिक्षण संस्था, कलकारखाना, उद्योग प्रतिष्ठान ठप्प रहयो। यहांबाट चल्ने लामो तथा छोटो दुरीको सवारीसाधन पनि ठप्प भएका छन्। वीरगंज बजारमा साइकल, मोटरसाइकल तथा रिक्सा भने संचालन छ। अहिले माओवादीका कार्यकर्ताहरुले वीरगंजको घण्टाघरमा एक सभा गर्ने तयारी गरिरहेका छन्।
संविधानसभा विघटन गरेर राष्ट्रपति शासन लाद्ने षडयन्त्र रोक्न १४ वटा स्वायत्त गणराज्य घोषणा गरेको माओवादीले कुनै पनि संविधानविपरीत कदम नचालेका बताएका छन्। तस्बिर- उत्तम खडगी
Comments
Post a Comment