फोर्सद्वारा समग्र मधेश एक प्रदेशसहित मधेश राज्य घोषणा

वीरगंज, २ पुष । माओवादीले गणराज्य घोषणा गरेको विरुद्ध स्वतन्त्र मधेशी युवा फोर्स पर्साले पनि समग्र मधेश एक प्रदेशसहित मधेश राज्य घोषणा गरेको छ।
आज वीरगंजको घण्टाघरमा फोर्सका एक युवक वीरबहादुर कुशवाहाले मधेश राज्य घोषणा गरेका हुन्।
घोषणा सभालाइ सम्बोधन गर्दै के. अध्यक्ष प्रदीप विश्वकर्मा माओवादीहरुले गणराज्य घोषणा गरी मधेशीहरुको भावना विपरित भएको भन्दै मधेश राज्य घोषणा गर्नुपरेको बताए। उनले गणराज्य घोषणा गरिरहने हो भने रौतहट घटना पुन दोहोर्‍याउने चेतावनी दिए।