मलेसिया भ्रमण सम्पन्न

काठमाडौं, ५ पुष। मलेसिया सरकारको निमन्त्रणामा गत मंसिर ३० गतेदेखि पौष ४ गतेसम्म पर्यटन तथा नागरिक उड्डयन मन्त्री शरतसिंह भण्डारीको नेतृत्वमा उच्चस्तरीय पर्यटन तथा नागरिक उड्डयन प्रतिनिधि मण्डलबाट मलेसियाको भ्रमण सम्पन्न गरेको छ।
उक्त टोलीमा नेपाल पर्यटन बोर्ड, नेपाल पर्यटन वर्ष२०११ कार्यान्वयन समिति, नागरिक उड्डयन प्राधिकरण, त्रिभुवन विमानस्थल कार्यालय, नेपाल वायुसेवा निगम, सोसाइटी अफ एडभेन्चर टूर अपरेटर, नेपाल मलेसिया च्याम्बरका प्रतिनिधिहरुको सहभागिता रहेको थियो।
सन् २००७मा मलेसियाले सफलता पर्ूवक सम्पन्न गरेको भिजिट मलेशिया कार्यक्रम बारे बिस्तृत जानकारी दिई नेपाल पर्यटन वर्ष२०११को सफल कार्यान्वयन गर्नु नै यस भ्रमणको प्रमुख उद्देश्य थियो।
नेपाल पर्यटन वर्ष२०११ को सफल कार्यान्वयनका लागि पर्यटन बजारहरुमा प्रभावकारी पर््रवर्द्धन, हवाई सेवा अभिवृद्धिको लागि नेपाल वायुसेवा निगम र मलेसिया एअरलाइन्ससँगको सहकार्य, मलेसियाको वायुसेवाको नेपालमा सेवा बिस्तार, क्वालालम्पुरको नयाँ विमानस्थल संचालनको अनुभवबाट नेपालको अन्तर्रर्ााट्रय विमानस्थल ब्यवस्थापनमा पुग्न सक्ने सहयोग, सस्तो मूल्यको उडान सेवाको लागि छुट्टै विमानस्थलको ब्यवस्थापन लगायतका विषयहरुमा सम्बन्धित निकाय तथा पदाधिकारीहरुसँग बहुपक्षीय छलफलहरु आयोजना भएका थिए।
सो अवसरमा मन्त्री स्तरीय बैठक मलेसियाका पर्यटन मन्त्री डा. नाग्योन येन, यातायात मन्त्री ओंगटिकेटसंग पर्यटन तथा नागरिक उड्डयन मन्त्री शरतसिंह भण्डारीको बेग्ला बेग्लै भएको थियो।