कुमार नेगी
मकवानपुर, २२ पुस मकवानपुरको सरकारी विद्यालयमा पहिलो पटक विद्यालय व्यवस्थापन समितिमा विद्यार्थीको प्रतिनिधित्व गराइएको छ। व्यवस्थापन समितिमा बालबालिकाको प्रतिनिधित्व हुनुपर्ने आवाज उठिरहेको बेला उत्तरी मकवानपुरको दामन गाविस वडा नं. २मा रहेको श्री कालाभैरव प्रचण्ड प्राथमिक विद्यालयमा विद्यार्थीले यस्तो अवसर पाएका हुन्। विद्यालयमा सोमबार सम्पन्न अभिभावक भेलाले नयाँ व्यवस्थापन समिति चयन गर्ने क्रममा कक्षा ४ की अनुजा चौधरीलाई समिति सदस्य चयन गरेको हो। एक वर्षसोही विद्यालयमा बस्ने भएकाले कक्षा ४ को विद्यार्थीैलाई समिति सदस्यका लागि चयन गरिएको विद्यालयका प्रधानाध्यापक ध्रुबसिँह विष्टले बताए।
विद्यालय व्यवस्थापन समितिमा बालबालिकाको प्रतिनिधित्व गराउँदा छलफलको क्रममा उनीहरुको प्रतिनिधि आवाज आओस् भनेर प्रतिनिधित्व गराइएको शिक्षक अभिभावक संघका अध्यक्ष कृष्णबहादुर कार्कीले बताए। दामनपालुङका विद्यार्थीहरुले शैक्षिक गुणस्तरका लागि विद्यालय व्यवस्थापन समितिमा आफूहरुको प्रतिनिधित्व हुनुपर्ने माग गर्दै आएका थिए। गत कार्तिक २१ देखि २३ गतेसम्म दामनको विकास घरमा सम्पन्न जिल्लास्तरीय नमुना बाल संसदका सहभागी विद्यार्थीहरुले स्पष्ट शब्दमा यस्तो आवाज उठाएका थिए। काठमाण्डौंमा मंसिर २१ देखि २३ गतेसम्म ग्लोबल एक्शन नेपालले आयोजना गरेको केन्द्रीय नमुना बाल ससदमा पनि देशभरका बालबालिकाका प्रतिनिधिहरुले यसका लागि आवाज उठाएका थिए। सो नमुना बाल संसद र काठमाण्डौंमा सम्पन्न शिक्षक अन्तरक्रिया तथा अनुभव आदानप्रदान कार्यक्रममा सहभागी भएर आएपछि काला भैरवका प्रधानाध्यापक ध्रुवसिँह विष्टले विद्यालय व्यवस्थापन समितिमा विद्यार्थी प्रतिनिधित्व गराउने निश्चय गरेका थिए। काठमाण्डौंका कतिपय विद्यालयहरुमा यस्तो व्यवस्था शुरु भैसकेको छ।
मकवानपुर, २२ पुस मकवानपुरको सरकारी विद्यालयमा पहिलो पटक विद्यालय व्यवस्थापन समितिमा विद्यार्थीको प्रतिनिधित्व गराइएको छ। व्यवस्थापन समितिमा बालबालिकाको प्रतिनिधित्व हुनुपर्ने आवाज उठिरहेको बेला उत्तरी मकवानपुरको दामन गाविस वडा नं. २मा रहेको श्री कालाभैरव प्रचण्ड प्राथमिक विद्यालयमा विद्यार्थीले यस्तो अवसर पाएका हुन्। विद्यालयमा सोमबार सम्पन्न अभिभावक भेलाले नयाँ व्यवस्थापन समिति चयन गर्ने क्रममा कक्षा ४ की अनुजा चौधरीलाई समिति सदस्य चयन गरेको हो। एक वर्षसोही विद्यालयमा बस्ने भएकाले कक्षा ४ को विद्यार्थीैलाई समिति सदस्यका लागि चयन गरिएको विद्यालयका प्रधानाध्यापक ध्रुबसिँह विष्टले बताए।
विद्यालय व्यवस्थापन समितिमा बालबालिकाको प्रतिनिधित्व गराउँदा छलफलको क्रममा उनीहरुको प्रतिनिधि आवाज आओस् भनेर प्रतिनिधित्व गराइएको शिक्षक अभिभावक संघका अध्यक्ष कृष्णबहादुर कार्कीले बताए। दामनपालुङका विद्यार्थीहरुले शैक्षिक गुणस्तरका लागि विद्यालय व्यवस्थापन समितिमा आफूहरुको प्रतिनिधित्व हुनुपर्ने माग गर्दै आएका थिए। गत कार्तिक २१ देखि २३ गतेसम्म दामनको विकास घरमा सम्पन्न जिल्लास्तरीय नमुना बाल संसदका सहभागी विद्यार्थीहरुले स्पष्ट शब्दमा यस्तो आवाज उठाएका थिए। काठमाण्डौंमा मंसिर २१ देखि २३ गतेसम्म ग्लोबल एक्शन नेपालले आयोजना गरेको केन्द्रीय नमुना बाल ससदमा पनि देशभरका बालबालिकाका प्रतिनिधिहरुले यसका लागि आवाज उठाएका थिए। सो नमुना बाल संसद र काठमाण्डौंमा सम्पन्न शिक्षक अन्तरक्रिया तथा अनुभव आदानप्रदान कार्यक्रममा सहभागी भएर आएपछि काला भैरवका प्रधानाध्यापक ध्रुवसिँह विष्टले विद्यालय व्यवस्थापन समितिमा विद्यार्थी प्रतिनिधित्व गराउने निश्चय गरेका थिए। काठमाण्डौंका कतिपय विद्यालयहरुमा यस्तो व्यवस्था शुरु भैसकेको छ।
Comments
Post a Comment