प्लाष्टरको सरस्वती माताको मूर्तिहरु सस्तो भएपछि

-उत्तम खड्गी
वीरगंज, ५ माघ। यस पटक सरस्वती पूजा माघ ६ गते परेको छ। सरस्वती पूजाको दिन नजिकिदै गर्दा देशभरि यसको चहलपहल देख्न सकिन्छ। खासगरी सरस्वती पूजा मनाउन विद्यार्थीहरु निकै उत्साहित हुने गरे पनि विद्यालय लगायत टोल, टोल, गाउं घरमा समेत यसको चहलपहल बढेको  छ। कोही टेन्ट बनाउन व्यस्त छन् भने कोही सरस्वती माताको मूर्ति किनेर ल्याउनमा व्यस्त छ भने कोही बजारमा पूजाको सामग्री किन्नमा व्यस्त भएको छ। यसपटक भने वीरगंजमा राजस्थान, भारतबाट आएका कलाकारहरुले प्लाष्टरको मूर्ति बनाएर सस्तो दरमा बिक्री गरेकोले पनि सरस्वती पूजा गर्नेहरु अघिल्लो वर्षो तुलनामा वृद्धि भइरहेको बुझिन आएको हो। प्लाष्टरको मूर्तिहरु रु एक सयदेखिको मोलमा सुरु भइ एक हजारभन्दा माथिको दरमा पनि उपलब्ध छ। त्यसकारण प्लाष्टरको मूर्ति बजारमा आएपछि माटोको मूर्ति बनाउने स्थानीय कलाकार, व्यापारीहरु मारमा परेका छन्। माटोको मूर्ति एक हजारभन्दा कममा नपाउने भएकोले माटोको मूर्ति यसपटक त्यति मात्रामा बिक्री हुन सकेन भन्ने जानकारी एक स्थानीय माटोको मूर्ति बनाउने कलाकारले गराएका छन्। उता फोटोप|mेम गरेर सरस्वतीको तस्बिर बेच्नेहरु पनि मारमा परेको छ बताइदैछ। फोटो प|mेम भएको तस्बिरभन्दा प्लाष्टरको सरस्वतीको मूर्ति सस्तो भएको हुनाले मूर्ति पूजा गर्ने एक विद्यार्थीको समूहले प्लाष्टरको मूर्ति नै किनेर पूजा गर्न लागेको जानकारी गराए। यसपटक सरस्वती पूजा धेरै ठाउंमा धुमधामका साथ मनाउन विद्यार्थीहरु उत्साहित देखिएका छन् तर लोडसेडिङको कारण मनोरञ्जन गर्न गाह्रो भएको गुनासो पनि विद्यार्थीहरुको छ।