तामाङ्गहरुले बहराइनमा ल्होछार मनाए

-सन्तोष दाहाल
बहराइन, ३ माघ । २८४६ औं ताक ल्होछार पर्व १५ जनवरी २०१० का दिन गुदेबीया
स्थित साउथपार्क रेष्टुरेष्ट बहराइनमा तामाङ्गहरुले सफलतापर्ूवक ल्होछार
मनाए । भरखरै स्थापना गरीएको यो संस्थाको विधिपर्ूवक उद्दघाटन यसै दिन
गरीएको थियो । लामागुरुहरु भक्त बहादुर लामा र धमल लामाहरु बाट लामापाठ
गरी सञ्चालन गरीएको उक्त कार्यक्रमा सहभागी सबैले भगवान गौतम बुद्धको
पुजागरी प्रसाद ग्रहण गर्नु भएको थियो ।
यस कार्यक्रमको सभापति सोही समाजका अध्यक्ष श्री गणेश लामा
हुनुहुन्थ्यो भने प्रमुख अतिथी सोनाम वाङ्गदी लामा हुनुहुन्थ्यो ।
बिभिन्न संघ संस्थाका प्रतिनिधीहरु अतिथीको रुपमा सहभागी हुनु भएको थियो
। उक्त कार्यक्रमको स्वागत मन्तव्य सोही समाजका धनबहादुर तामाङ्गले गर्नु
भएको थियो । भने उक्त समाजको विधान सोही समाजका महासचिव जयन्द्र
घिसिंङ्गले पढेर सुनाउनु भएको थियो । बिभिन्न प्रकारका सांगीतीक
कार्यक्रम प्रस्तुत गर्ने क्रममा गायक दिनेश गुरुङ्गले उहाँको आफ्नै
एलबमहरु क्रमश "निस्ठुरी मायालु" र "मिसीङ्ग" बाट एक एक वटा गीतहरु क्रमश
"खानालाई मिठो मार्फाको स्याउ" र "ओ जाने निस्ठुरी फर्कादेउ दिल मेरो"
बोलको गीत गाएर दर्शकलाई पर्ूण्ा मनोरञ्जन दिनु भएको थियो । भने अरु पनि
कलाकारहरुले आ-आफ्नो नाच गान कला प्रस्तुत गर्नु भएको थियो । उक्त
कार्यक्रमका सभापति श्री गणेश तामाङ्गले आफ्नो समाजको बारेमा जानकारी
दिनुको साथै सबै तामाङ्गहरुलाई एकजुटहुन आग्रह गर्दै कार्यक्रम बिर्सजन
गर्नु भयो । उक्त कार्यक्रम सोही समाजका महासचिव जयन्द्र घिसीङ्गले
सञ्चालन गर्नु भएको थियो । कार्यक्रमको अन्यमा उपस्थित सबैजना जलपान
कार्यक्रममा सहभागी हुनुभएको थियो ।