हेटौंडा, १५ माघ। मानव बेचबिखन विरुद्ध हिमराइट्स/प्लान अभियान अन्तरगत
हाँडिखोला गाविसको २ वटा वडामा मानव बेचबिखन विरुद्ध तथा सुरक्षित
बैदेशिक रोजगारी सम्बन्धी वडा स्तरीय सचेतना कार्यक्रम सम्पन्न भएको छ।
हाँडिखोला गाविस वडा नम्बर १ गोगनपानी र वडा नम्बर ६ हाँडिखोलामा
कार्यक्रम सम्पन्न भएको हो। गोगनपानीमा आयोजित कार्यक्रममा स्थानीय ४१
जना महिनाहरुको सहभागिता रहेको थियो। कार्यक्रममा हिमराइट्स मकवानपुरका
कार्यक्रम अधिकृत खेम बोलखे र हिमराइट्स निगरानी समूह हाँडिखोलाकी संयोजक
अम्बिका पौडेलले सहजीकरण गर्नु भएको थियो। कार्यक्रममा प्लान नेपालकी
विकास संयोजक कमला लामा र कोसान नेपालकी दुदुमाया स्याङ्तानले मन्तव्य
व्यक्त गर्नु भएको थियो। कार्यक्रममा सहभागिहरुले यस्तो कार्यक्रममा
युवतिहरुलाई बढी मात्रामा सहभागी गराइनु पर्ने बताउनु भएको थियो।
त्यसैगरी हाँडिखोलामा आयोजित कार्यक्रममा वडा नम्बर ५ र ६ का गरी
३६ जनाको सहभागिता रहेको थियो। कार्यक्रममा हिमराइट्स मकवानपुरका
कार्यक्रम अधिकृत खेम बोलखे र हिमराइट्स निगरानी समूह हाँडिखोलाकी संयोजक
अम्बिका पौडेलले सहजीकरण गर्नु भएको थियो।
वडामा पुगेर सचेतना फैलाउने उद्देश्यले कार्यक्रम सम्पन्न गरिएको
हिमराइट्स मकवानपुरले जनाएको छ। कार्यक्रममा मानव अधिकार, मानव बेचविखन
विरुद्धको अभियान र सुरक्षित बैदेशिक रोजगारीको बारेमा जानकारी गराइएको
थियो। कार्यक्रम प्लान नेपालको सहकर्मितामा सम्पन्न भएको हो।
Comments
Post a Comment