वीरगंज, २३ पुस। तर्राई मुक्ति मोर्चाका कार्यकर्ताले तीनजना माओवादी कार्यकर्ताको गोली हानी हत्या गरेको छ भने दर्ुइजना घाइते भएका छन्।
गए राति बाराको गन्जभवानीपुरमा मोर्चाका कार्यकर्ताले चलाएको गोली लागेर गंजभवानीपुर गाविस २ निवासी २८ वषर्ीय अम्विका महतो, २६ वषर्ीय रामप्रकाश यादव र दाराप्रसाद यादवको मृत्यु भएको हो।
गंजभवानीपुरमा कन्हैया यादवकोे इंटाभट्टाको उद्घाटन कार्यक्रममा सहभागी भएर फर्किदै गर्दा ४ वटा मोटरसाइकलमा आएका हतियारधारी मोर्चाका कार्यकर्ताले लुकेर माओवादी कार्यकर्तामाथि गोली प्रहार गरेको बताइएको छ।
गोली लागी एकीकृत नेकपा माओवादीका बारा जिल्ला सदस्य एवं क्षेत्र नम्वर २ का एरिया सेक्रेटरी कन्हैया यादव र स्थानीय बासिन्दा सियाराम महतो र्घाईते भएका छन्।
गम्भीर घाइते भएका यादवलाई थप उपचारका लागि काठमाडौं लगिएको छ भने अर्का घाइते महतोको वीरगंजस्थित नारायणी उपक्षेत्रीय अस्पतालमा उपचार भइरहेको बारा प्रहरीले जनाएको छ।
घटनास्थलमा अत्याधुनिक एसएमजी गोलीका खोकाहरू भेटिएको प्रहरीले जनाएको छ।
यसैवीच सो हत्याकाण्डको जिम्मेवारी मोर्चाका बारा, पर्सा रौतहटका सैन्य कमाण्डर अग्नीले फोन मार्फ लिएको बताइएको छ। मोर्चाका जिल्ला संयोजक जयरामको नेतृत्वमा गएको टोलीले गोली हानी तीन जनाको हत्या गरेको अग्नीले बताएका छन्।
सो घटनाको विरोधमा एकिकृत नेकपा माओवादीले बाराको कलैया बजार आज बन्द गराएका थिए ।
उक्त सम्बन्धमा बाराका प्रमुख जिल्ला अधिकारी तारानाथ गौतम एवं बाराका प्रहरी उपरीक्षक महेन्द्र पोखरेलसंग बुझ्दा सो घटनाका दोषीहरुलाई पक्राउ गर्न सादा पोशाक एवं पोशाकधारी प्रहरी परिचालन गरिसकेको तथा नाकाबन्दी गरी खोजतलास जारी राखेको बताउनुभयो ।
यसैवीच राजधानीबाट प्राप्त जानकारी अनुसार गम्भीर घाइते यादवको उपचार नर्भिक अस्पतालमा भइरहेको बेलामा एनेकपा माओवादीका उपाध्यक्ष बाबुराम भट्टर्राईले उनको स्वास्थ्य स्थितिबारे जानकारी लिएका छन्।
Comments
Post a Comment