यातायात व्यवसायी संघद्वारा सुरक्षाको मांग

हेटौडा, १८ माघ। सरकारले सुदृढ सुरक्षा व्यवस्थाको वकालत गरिरहेको
अवस्थामा राष्ट्रिय राजमार्गमा बढ्ने गरेको लुटपाट र असुरक्षाका घटनाले
यातायात व्यवसायीहरु बारम्बार पीडित भएको भन्दै आज नारायणी यातायात
व्यवसायी संघले एक प्रेस विज्ञप्ति जारी गरी जनाएको छ।
विज्ञप्तिमा उल्लेख छ - घटनापश्चात ठूलो आर्थिक र मानसिक तनाव सहेर
सुरक्षाका निमित्त हामीले सम्बन्धीत निकायमा हार गुहार गरे पनि त्यसको
समयमै सुनुवाइ नहुँदा हामी थप तनाव सहन बाध्य छौँ। घटनाको छानविन र
शान्ति सुरक्षाका लागि प्रहरी प्रशासनसँग शान्तिपर्ूवक अनुनयविनयमा
प्रस्तुत हुँदा हाम्रो पीडालाई उपहास गरिदिने जस्तो प्रबृत्तिले वास्तवमै
हामीलाई चिन्तित र क्रुद्ध बनाउने गरेको छ।
राष्ट्रिय राजमार्गमा गुडिरहेका सवारीसाधन अपहरणमा पर्छन्, लोड
भएको सामान चोरिन्छ र मजदुरमाथि निर्ममतापर्ूवक आक्रमण हुन्छ ... हामी
सम्बन्धित निकायहरुमा घटनाको छानविन र चोरिएको सामानको खोजी गरिदिन
अनुरोध गर्र्छौ। तर दिन, महिना बित्छ तर घटना गुपचुप रहन्छ, अनुसन्धान वा
प्रकृयाको नाममा घटनालाई बिर्सर्ााे प्रयास मात्र हुन थालेको हो कि भन्ने
आशंकाले हामीलाई हिजोआज सताउने गरेको छ। राजमार्गबाट ट्यांकर हराएको
घटना नसेलाउँदै मिति २०६६।०९।२८ गते छड लोड रहेको ना.२.ख २६२९ नं. सवारी
हरायो। चालक मजदुर जंगलमा बाँधिए भने भोलिपल्ट ट्रक खाली अवस्थमा लोथर
नजिक भेेटियो। घटनाको छानविनका निम्ति हामीले पौष ३० गते नै क्षेत्रीय
प्रशासकज्यू, मध्यक्षेत्र प्रहरी कार्यालयलगायतका सम्बन्धित निकायहरुमा
लिखित रुपमै अनुरोध गर्‍यौँ। र, छनविन तथा सुरक्षाका धेरै आश्वासन लिएर
फर्कियौँ। तर घटनाको २० दिन पुग्दासमेत हालसम्म उक्त घटनाको बारेमा केही
तथ्य बाहिर आउन सकेको छैन।
यसबाट आर्थिक, मानसिक तनाव भोगेका व्यवसायीको तनाव त बढेको छ नै,
राजमार्गमै असुरक्षाको भयबाट हामी सबै व्यवसायीहरु त्रसिद् बन्नु पर्ने
अवस्था विद्यमान छ। अतः यथाशीघ्र राजमार्गमा शान्ति सुरक्षाको भरपर्दो
व्यवस्था मिलाउन र राजमार्गमा भएका लुटपाटका घटनाहरुको गम्भीरतापर्ूवर्क
छानविन गरी दोषिउपर कारवाही र लुटिएका सामानहरुको क्षतिपर्ूर्ति दिलाइ
भराइ दिनेतर्फयस संघ सरकारसमक्ष हार्दिक अनुरोध गर्दछ।