मदरसा बनाउने नाममा उठाइएको रकममा अनियमितता

वीरगंज, ४ असार। वीरगंज, छपकैया वडा नं. २ स्थित रहेको कब्रस्तान नजिक मदरसा बनाउने नाममा संकलन गरिएको रकममा सोही टोलका आश महम्मद हजाम र इशा मियां अंसारीले अनियमितता गरेको आरोप स्थानीय मुस्लिम समुदायले लगाउन थालेका छन्। 

मुस्लिम समूदायहरुबाट तथा विभिन्न संघसंस्थाबाट संकलन गरिएको चन्दा रकमबाट मस्जिद निर्माण गर्न सक्रिय भूमिका निर्वाह गरेका द्वय व्यक्तिहरूले नेशनल मेडिकल कलेज लगायत वीरगंज नगर एवं वीरगंज बाहिरबाट लाखौं रूपैयां संकलन गरेकोमा उक्त रकमको हरहिसाब दुरूस्त नराखेको चर्चा चलेको छ। 

वीरगंज, घुसुकपुरका सुकल हाजीले मस्जिद बनाउने कार्यका लागि सोही ठाउंमा जग्गा खरिद गरि दिए पश्चात हजाम एवं अंसारीले मुस्लिम समूहका व्यक्तिहरूको घर-घरबाट चन्दा रकम एवं खाद्यान्न संकलन गरी जम्मा गरेकोमा हालसम्म उक्त मस्जिद निर्माण नहुन सकेबाट र सो रकमको हरहिसाब दुरूस्त दिन नसकेको अवस्थामा उक्त आरोप उठेको बताइंदैछ।