काठमाडौं, २७ असार। सगरमाथा टेलिभिजनका संवाददाता वासुदेव तिमिल्सिनालाई उच्च माविबाट सम्बन्धन प्राप्त नगरी संचालन गर्न खोज्ने विद्यालयहरुबाट धम्की आएको घटनाको रिपोर्टस नेपालले घोर भर्त्सना एवं निन्दा गरेको छ।
आज क्लबका अध्यक्ष ऋषि धमलाले जारी गरेको प्रेस विज्ञप्तिमा सौर्य मावि, शान्तिनगर काठमाडौंले सौर्य इन्टरनेशनल कजेल गैरीगाउं, काठमाडौंको नामबाट एवं ग्ल्यासियर इन्टरनेशनल माविले ग्ल्यासियर उमावि शान्तिगर काठमाडौंको नामबाट गैरकानुनी रुपमा संचालनमा ल्याउन खोजेको सत्यतथ्य समाचार प्रसारण गरेको भन्दै धम्की दिनुलाई स्वतन्त्र प्रेसमाथिको धम्कीका रुपमा लिएको उल्लेख छ।
विज्ञप्तिमा सत्यतथ्य समाचार प्रसारण गर्न खोज्ने तिमल्सिना र सगरमाथा टेलिभिजनलाई धम्की दिने विद्यालयहरुमाथि तत्काल कारबाहीको जोडदार माग गर्दै प्रेसमाथि धम्की र आक्रमणको शृंखला बढिरहंदा पछिल्लो घटना भएको छ। क्लब पत्रकारको सुरक्षाको सुनिश्चितताको माग गर्दै कानुन बमोजिम कारबाही प्रक्रिया अगाडि बढाउन आग्रह गर्दछ। दण्डहीनताको अन्त गरी प्रेस स्वतन्त्रताको सुनिश्चितता गर्न सरकार अगाडि नबढे कडा कदम चाल्न वाध्य हुने स्पष्ट पार्न चाहन्छ उल्लेख छ।
Comments
Post a Comment