काठमाडौं, असार २६। नेकपा माओवादीका सचिवालय सदस्य जर्नादन शर्मा प्रभाकरले वर्तमान सरकारको पर्ूव राजा ज्ञानेन्द्र शाहसँग साँठगाँठ रहेको आरोप लगाएका छन्। आज रिपोर्र्टर्स क्लब नेपालको साक्षात्कारमा बोल्दै पर्ूव राजाको पछिल्ला गतिविधिले साँठगाँठको पुष्टि गरेको बताए।
यो सरकारको ज्ञानेन्द्र शाहसँग साँठगाँठ छ, पर्ूव शान्ति तथा पर्ुननिर्माणमन्त्री समेत रहेका प्रभाकरले भने, सरकार बनेपछि ज्ञानेन्द्रको सक्रियता बढेको छ। शाहले मनाएको जन्मदिन उल्लेख गर्दै राजतन्त्र ढलेपछि पनि राजाकै शैलीमा तामझाम देखाउनुले आशंकाहरु बढाएको बताए। सरकारको नीति तथा कार्यक्रम ज्ञानेन्द्र शाहसँग साँठगाँठ गरेर ल्याइएको आरोप लगाए।
सरकारका गतिविधिहरु शान्ति विरोधी रहेको आरोप लगाउदै भने, शान्ति प्रक्रिया अवरुद्ध गर्न विदेशी इशारामा सरकार बनेको हो। सरकारमा जनविश्वास नरहेको भन्दै कडा आन्दोलन गर्ने चेतावनी दिए। देशलाई उल्टो गतिमा लाने धृष्टता भइरहेको आरोप लगाए। सरकारको नीति तथा कार्यक्रम छनदविहिन कविताजस्तै भएको टिप्पणी गरे। सरकारको कार्यक्रमलाई जनताले नपत्याउने तर्क गर्दै कार्यान्वयन हुने विश्वास गर्न नसकिने बताए।
कृषि तथा सहकारीमन्त्री मृगेन्द्रकुमारसिंह यादवले कृषि क्रान्ति गरेर देशको आर्थिक उन्नतिमा सक्रिय हुने बताए। सहमतिका साथ सरकार गठन भएकाले सहमतिबाटै नीति तथा कार्यक्रम कार्यान्वयन हुने दाबी गरे। फोरम केन्द्रीय सदस्य समेत रहेका यादवले भने, नीति तथा कार्यक्रम उत्कृष्ट र कार्यान्वयन गर्न सकिने छ।
नेकपा एमालेका सचिव युवराज ज्ञवालीले सरकारको पर्ूव राजासँग साँठगाँठ रहेको भन्ने आरोपबारे सोधिएको प्रश्नमा उनले माओवादी झूटा आरोप लगाउन सिपालु भएको बताए। लोकतान्त्रिक आचरण र चिन्तन बनाएर सहमतिमा आउन आग्रह गरे। आरोप प्रत्यारोपभन्दा सहमतिका साथ अगाडि बढ्नुपर्नेमा उनको जोड थियो। प्रतिगामीहरुबाट शतर्क हुनुपर्ने बताउदै भने, सबै मिलेर शान्ति प्रक्रियालाई तार्किक निष्कर्षा पुर्याउनर्ुपर्छ। माओवादीका सामु सरकारमा आउनु या रचनात्मक प्रतिपक्षीको भूमिका खेल्नुको विकल्प नभएको बताए।
राजपाका सअहध्यक्ष डा.प्रकाशचन्द्र लोहनीले नीति तथा कार्यक्रममा नयाँ कुरा नभएको बताए। विगतको कार्यक्रम र अहिलेको कार्यक्रममा तात्विक फरक नभएको भन्दै कार्यान्वयनमा चुनौती रहेको बताए।
Comments
Post a Comment