बारा, चितवन, धादिङ, धनुषामा दुर्घटना

वीरगंज, ३० असार । दुर्घटनामा घाइते भएपछि पीडितका आफन्तजनले क्षतिपुर्तिको मांग गर्दै आज बिहानदेखि अवरुद्ध गरेको वीरगंज-परवानीपुर सडकखण्ड सुचारु भएको छ।
आज बिहान बाराको लिपनीविर्ता- ६ नजिकै ना.३.ख.२४९४ नं.को बसले ना.७.प.५८०२ नं.को मोटरसाइकललाइ ठक्कर दिदा मोटरसाइकल चालक गणेश राउत सामान्य घाइते भएपछि उनका आफन्तहरु क्षतिपूर्तिको माग राख्दै आज बिहान सो सडकखण्ड अवरुद्ध गरेका थिए। क्षतिपूर्ति दिने शर्तमा प्रहरीले अवरुद्ध बाटो सुचारु गराएको थियो।
यसैगरी धादिङको नौविसे ६ नजिकै पृथ्वी राजमार्गमा विभिन्न मांग राख्दै टिपर चालकहरुले आज बिहान सवारीसाधन तर्ेसाइ सडक अवरुद्ध गरेका थिए।
सडक दुर्घटनामा परी एक चालकको मृत्यु भएपछि पीडित परिवारजनले क्षतिपूर्तिको मांग राख्दै अवरुद्ध गरेको चितवनको लोथर-भण्डारा सडकखण्ड सुचारु भएको छ।
गए राति ना.१.क.२२७० नं.को मालबाहक ट्रकको ठक्करबाट डाइभर टोल बस्ने २२ वर्षीय चालक राजु बस्नेतको मृत्यु भएपछि पीडितका आफन्तजनले क्षतिपुर्तिको मांग अवरुद्ध गरेको सडकखण्ड प्रहरीले बल प्रयोग गरी सुचारु गरेको हो। ठक्कर दिने ट्रक र चालक प्रहरी नियन्त्रणमा रहेको छ।
धनुषाको मुजलिया नजिकै आज बिहान ध्।द्य-छडए-घण्द्धट नं.को भारतीय टाटा सुमो दुर्घटनाग्रस्त हुंदा ४ जना घाइते भएका छन्, उनीहरुको जनकपुर अंचल अस्पतालमा उपचार भइरहेको छ।