अंचल एवं जिल्ला प्रहरी प्रमुखका नाममा घुमुवा प्रहरीद्वारा जुवाको खाललाई संरक्षण

वीरगंज, २० साउन । अंचल प्रहरी कार्यालय वीरगंज एवं जिल्ला प्रहरी कार्यालय पर्साका घुमुवा प्रहरीहरूको संरक्षणमा वीरगंजको बाइपास सडक भिस्वा होटल अगाडि गुरूङ होटल नजिक सेतो कर्कटको गेट रहेको विद्युत् प्राधिकरण शाखा वीरगंजका कर्मचारी श्याम श्रेष्ठको घरमा ठूलो जुवाको खाल खेलाइने गरेको तथ्य खुल्न आएको छ ।
विगत करिब दुइ महिनादेखि जिल्ला विकास समिति पर्साका कर्मचारी धर्मराज, अमितसंगको साझेदारीमा १०० एवं २०० रूपैयां प्वाइन्ट म्यारिज जुवा पेशेवर हिसाबले खेलाइरहेका बाबू नाम गरेका जुवाडेले उक्त खाल संचालन राखेको भरपर्दो स्रोतबाट बुझिन आएको छ ।
अंचल प्रहरी कार्यालय वीरगंजका वरिष्ठ प्रहरी उपरीक्ष्ँक एवं जिल्ला प्रहरी कार्यालय पर्साका प्रहरी प्रमुखको नाममा मासिक रकम उठाइ लाने गरेका घुमुवा प्रहरीहरूले सो जुवाको खाललाई संचालन गर्न अनुमति दिएको स्रोतको दाबी छ । सम्बन्धित वडा प्रहरी कार्यालयका प्रहरी इन्चार्जलाई मासिक १५ हजार एवं सो एरियामा जाने प्रहरी गस्ती भ्यान टोलीसमेतलाई चिया नास्ताको खर्च मिलाउने गरेका बाबू समूहको जुवाको खालमा स्थानीय लगायत भारतका पेशेवर जुवाडेहरूको उपस्थिति रहने गरेको बताइन्छ ।
सो स्थानमा खेलाइने गरेको यस जुवाको खालले स्थानीय वासिन्दाहरूबीच भारतीय जुवाडेहरू मात्र नभइ अपराधीहरूको चलखेल समेत बढेको आभाष हुन थालेको छ । एक नाम बताउन नचाहने स्थानीयवासीका अनुसार नगरमा शान्ति सुरक्ष्ँाको व्यवस्था दरिलो कायम गर्नुपर्ने निकायका प्रमुखहरू नै आप\mना घुमुवा प्रहरीहरूमार्फ यसरी जुवाको खाल संचालन गर्न छुट दिनुले हामीजस्तो आम नागरिकको सुरक्ष्ँा कति हुन सक्ला त्यो आफै अनुमान गर्न सक्नुहुनेछ भनि यस दैनिकलाई बताए ।
सोही व्यक्तिका अनुसार यसरी समाजमा अपराधिक क्रियाकलापलाई बढावा दिने जुवाको खाललाई तत्काल सम्बन्धित निकायका प्रमुख अथवा त्यो भन्दा माथिल्लो निकायले बन्द गर्नुपर्ने अभिव्यक्ति दिए ।