वीरगंज २२ भदौ । नेशनल मेडिकल कलेज शिक्षण अस्पतालमा आन्दोलनरत कर्मचारी स्वास्थ्यकर्मीको मांग पूरा नगरे बारा पर्सा र रौतहटमा मशाल जुलुस प्रदर्शन गर्नुको साथै आम हडताल गर्ने चेतावनी मजदूरहरुको संयुक्त संघर्ष समितिले दिएको छ।
आज रिपोर्टस क्लब नेपाल पर्साको साक्षुत्कारमा कार्यक्रममा एनटियुसीआइ जिफन्ट अनेट्रयुम संघको संयुक्त संघर्ष समिति बारा पर्सा रौतहटले सो चेतावनी दिएको हो।
मजदूरहरुको मांग कार्यान्वयन नगरी अस्पताल प्रशासनले दमन गरेको आरोप लगाउंदै पहिलो चरणको संघर्षका कार्यक्रम अनुसार भदौ २३ गते वीरगंज कलैया परवानीपुर जीतपुर सिमरा र रौतहटको गरुडामा संयुक्तरुपमा मशाल जुलुस र २४ गते बारा पर्सा रौतहट जिल्लामा आमहडताल गर्ने भएको छ।
साक्षुत्कार कार्यक्रममा एनटियुसीआइका पुलीस यादव जिफन्टका कमलेश झा अनेटे्रयुमहासंघका मीनप्रसाद अपागाइले संयुक्त रुपमा जारी गरेको विज्ञप्तिमा कलेजका व्यवस्थापन पक्षबाट गैरकानूनी रुपमा हटाइएका स्वास्थ्यकर्मी राजकपूर मण्डल जाहिर रहमान र रमेश भट्टराइलाई पुनरबहाली व्यवस्थापक र श्रमिक प्रतिनिधि बीच विगतमा भएका सम्झौतालाई कार्यान्वयन घाइते मजदूर स्वास्थ्यकर्मीलाई क्षँतिपुर्ति लगायतको मांग राख्दै पहिलो चरणको आन्दोलनको घोषणा गरेको हो।
Comments
Post a Comment