वीरगंज २४ भदौ । जग्गा सम्बन्धी विवादमा आफूलाई अपहरण गरी नक्कली कागज बनाइ यातना दिएको आरोप लगाउंदै अपहरणमा परेका एक व्यक्ति र उनका दिदीले आज वीरगंजमा एक पत्रकार सम्मेलन गरी आफूलाइ अपहरण गर्नेहरुमाथि कारबाहीको मांग गरेको छ।
गत भदौ २१ गते बारा मझरिया-२ निवासी शिवरत्न दास तत्मालाई कलैयास्थित भरतचोकबाट अपहरणकारीले अपहरण गरी कलैया-५ स्थित दुर्योधन शुक्लाको घरमा राखेर यातना दिएको अपहरणकारीहरुको पंजाबाट उम्किएका शिवरतन र उनका दिदी महापति देवीले बताए ।
पिप्रा बिर्ता वडा नं। ६ बस्ने राम एकबाल राउतसंग जग्गा विवाद सम्बन्धी छलफल सकिएर भरत चोकमा आइपुग्दा अपहरणकारीहरु दुर्योधन शुक्ला रामएकबाल राउत कुर्मी लंगटु दास तत्मा भरत साह तेली शितलपुर बाराका राम एकबालको ज्वाइ सुमी राउत कुर्मी पिण्टु मिश्र मनोज तविारी रामायण महरा चमार रामायण िसंह भारतीय दीलीप शुक्ला नगेन्द्र राउत कुर्मी कृष्णा पटेल नागेश्वर राउत कुर्मी परशुराम राउत कुर्मी चन्द्रदेव राउत लगायतले अपहरण गरेर यातना दिएको पत्रकार सम्मेलनमा महापति देवीले बताइन्।
बारा प्रहरीले अपहरणकारीलाई कारबाही गर्न कुनै चासो नदेखाएको आरोप समेत पत्रकार सम्मेलनमा पीडितले लगाएका छन्।
Comments
Post a Comment