अनमिन प्रमुखसंग स्पष्टिकरण लिइनेछ( शान्तिमन्त्री चेम्जोङ

काठमाडौं, २२ कार्तिक । शान्ति तथा पुननिर्माणमन्त्री रकम चेम्जोङले संयुक्तराष्ट्रसंघको सुरक्षापरिषदमा दिएको प्रतिवेदनबारे अनमिन प्रमुख करिन लिनग्रानसंग स्पष्टिकरण लिइने बताएका छन्। रिपोर्र्टर्स क्लब नेपालको साक्षात्कारमा बोल्दै शान्ति प्रक्रियामा कुनै एक पक्षबाट प्रभावित भएर प्रतिवेदन बुझाएको भन्दै त्यसबारे सवाल उठाउने बताएका हुन्।
'अनमिनले शान्ति प्रक्रियामा विभेदकारी ढंगले प्रतिवेदन बुझाएको छ ,' मन्त्री चेम्जोङले भने, 'अनमिन प्रमुख आएपछि भेटेर त्यसबारे कुरा उठाइनेछ।' अनमिनले आफ्नो दायरा नाघेर काम गर्न खोजेको आरोप समेत लगाए। सेना र हतियारको सुपरीवेक्षणको जिम्मेवारी पाएको अनमिनलाई राजनीतिक निर्देशन गर्ने अधिकार नभएको बताए। पछिल्लो समय सरकारको ढांचाबारे टिप्पणी गर्नु आपत्तीजनक रहेको बताए। उनले भने, 'अनमिनले निर्देशन दिने होइन, तोकेको काम गर्ने हो।' अनमिनलाई नेपाल सरकारको विपक्षमा बोल्ने अधिकार नभएको बताए।
आउदो चार हप्ताभित्र अयोग्य लडाकुलाई शिविर बाहिर अस्थायी बसोबास गराइसक्ने बताए। अयोग्य लडाकुलाई कहां व्यवस्थापन गर्ने भन्नेबारे चाडै टुंगोमा पुगिने बताए। लडाकु व्यवस्थापन जतिसक्दो छिटो गर्न विशेष समितिको बैठक नियमित हुनथालेको बताए। समितिको निर्ण्र्ााा आधारमा काम अगाडि बढाइने स्पष्ट पारे। सेना समायोजन कहिलेसम्म हुन्छ भन्ने प्रश्नमा उनले यतिनै समय भन्न नसकिने बताए। शान्ति प्रक्रियामा लडाकु व्यवस्थापन महत्वपर्ूण्ा हुने भन्दै जतिसक्दो छिटो काम अगाडि बढाइने बताए।