विद्यार्थीहरुलाइ छात्रवृत्ति प्रदान

हेटौडा, १३ माघ। भूटनदेवी उच्च मा.वि.हेटौडले बुधबार विद्यार्थीहरुलाई
छात्रवृत्ति प्रदान र शिक्षक तथा कर्मचारीलाई विदाई गरेको छ। छात्रवृत्ति
प्रदान गर्नुहुदै प्रमुख अतिथि जिल्ला शिक्षा अधिकारी चोलेन्द्र कुमार
पण्डितले राज्य बाट प्राप्त सुविधालाई विद्यार्थीहरुले सहि सदुपयोग गर्नु
पर्ने बताउनु भयो। उहाले विद्यालय र विद्यार्थीको सफलता अविभावक ,शिक्षक
र स्कुल व्यवस्थापनको संयूक्त प्रयासमा मात्र संभव भएको बताउनु भयो।
कार्यक्रममा विद्यालयमा अध्यान गरिरहेका विभिन्न विद्यार्थीहरुलाई
छात्रवृत्ति वितारण गरिएको थियो। रु. ३५०का दरले १२जनालाई प्रा.वि.दलीत
छात्रावृत्ति प्रदान गरिएको छ।यस्तै प्रा.वि.स्तरको ५० प्रतिशत
छात्रावृत्ति ६५जनालाई, नि. मा.वि.र मा.वि.दलित छात्रबृत्ति रु.५००का
दरले २० जनालाई र पूर्ण छात्रबृत्ति रु एक हजार सात सयका दरले १६ जनालाई
वितारण गरिएको विद्यालयले जनाएको छ। सोहि अवसरमा प्राचार्य विष्णु प्रसाद
गौतमले आफ्नो तर्फबाट कक्षा ११मा ऐच्छिक नेपालीमा र्सवाधिक अंक ल्याउन
सफल चार जना विद्यार्थीलाई रु चार हजार दर्ुइ सय नगद पुस्कार प्रदान
गर्नु भयो।
कार्यक्रममा शिक्षक वेद प्रसाद उपाध्याय र कर्मचारी राम बहादुर रानालाई
कदर पत्र सहित उहाँहरुले विद्यालयमा पूर्याउनु भएको योगदानको प्रशंसा
गर्दै विदाई गरिएको प्राचार्य विष्णु गौतमले जानकारी दिनु भएको छ।
विद्यालय व्यवस्थापन समितिका अध्यक्ष विद्युत बज्राचार्यको अध्यक्षतामा
भएको कार्यक्रममा प्राचार्य विष्णु प्रसाद गौतम ,व्यवसथापन समिति सदस्य
उत्तम शर्मा ,शिक्षक खडानन्द चौलागाई,नागेन्द्र ठाकुर विनोद आर्चाय
लगायतले विद्यालयको शैक्षिक गतिविधिका बारे जानकारी दिनु भएको थियो।