सौर्य सोलारको उज्यालोले झल्ामल्ल

ज्ञानेन्द्र शर्मा
रोल्पा, १४ माघ। देशले दैनिक ११ घण्टा लोडसेडिङको मार खेपिरहेको समयमा
रोल्पा जिल्लाका ५१ वटै गाविसहरु सौर्य सोलारको उज्यालोले झल्ामल्ल भएका
छन्।
रोल्पाको ९ वटा गाविसहरुमा झिमरुक जलबिद्युतबाट बिद्युत लाईन प्रसारण
गरिएको छ भने र्घर्तिगाउँ, पाङ, थवाङ, ओत, सेरम, बुढागाउँ लगायतका
गाविसहरुमा पनि स्थानियबासीहरुले आफ्नै लगानी र केही सस्थाहरुको सहयोगमा
बिद्युत उत्पादन गरेका छन्।
शहर अध्यारो गाउँ झलमल्ल भने झै कुनै समय पनि लोडसेडिङको मार खेप्नु
नपर्ने रोल्पा जिल्लाको सदरमुकाम लिवाङमा बिस्तार गरिएको झिमरुक
जलबिद्युत को बिद्युत लाईन र थोरै पुजी लगानी गरेर झलमल हुने सौर्य
उज्यालोले यतिबेला रोल्पाका प्रत्येक गाविसमा झलमल्ल पारेको छ।
रोल्पाका अधिकासं गाविसहरुमा सोलार पुर्‍याउन सफल भएको धौलागिरी सोलार
शाखा कार्यालय लिवाङ रोल्पाले अहिले सम्म रोल्पाको ४४ वटा गाविसहरुमा
सोलार बितरण गरिसकेको छ।
धौलागिरी शाखा कार्यालय रोल्पाका कार्यालय साहायक भिम बहादुर पुनका
अनुसार रोल्पा जिल्लामा ३ हजार भन्दा बढी सोलार सेटहरु बितरण गरिएको छ।
उहाँले नेपाल सरकारको अनुदान कटाएर अधिकत्तम १२ हजार ५ सय देखी २०/२१
वाटसम्मको सेटलाई ८ हजार ५ सय रुपैया पर्ने बताउनु भयो।
बेलाबेलामा सफा गर्ने र मर्मत गर्दै गएको खण्डमा एकपल्ट किनेको सोलार
सेट ९ बर्षसम्म टिक्ने कार्यालयले जनाएको छ। साथै आवश्यक परे ब्रि्रीएको
खण्डमा पनि कार्यालयले मर्मत सुधार गरिदिने शाखा कार्यालयले जनाएको छ।
केन्द्रीय कार्यालय बालाजुमा रहेको धौलागिरी सोलार शाखा कार्यालयले
रोल्पाको गाम, फगाम, राकँ र पाखापानी लगायतका गाविसहरुमा बितरण नगरिएको
जनाएको छ।
नदिहरुमा पानीको बहाव कम भए लगत्तै देशले दैनिक ११ घण्टा लोडसेडिङ
खेपिरहेको समयमा रोल्पाका ५१ वटै गाविसहरु झलमल्ल हुनुले पक्कैपनि शहर
अध्यारो गाउँ उज्यालोको नारालाई सफल बनाएको छ।