दुर्घटनामा १ को मृत्यु, दर्जनौ घाइते

वीरगंज, १४ माघ । बारा, पर्सा र रौतहटमा सडक दुर्घटना हुंदा एकजनाको
मृत्यु भएको छ भने आधा दर्जन घाइते भएका छन्।
आज बिहान वीरगंजको ब्रहमचोकमा ना.२ख ४८०६ नं.को ट्याड्ढर र ना.२ख ७९७१
नं.को ट्रक एकआपसमा ठक्कर खांदा दुवै चालक घाइते भएका छन्।
त्यसैगरी आज बिहान बिरामी बोकी आएको बीआर१एपी ७५३६ नंंको एम्बुलेन्स
रौतहटको च.पुर-१ मा आफै पल्टिदा बिरामी महोत्तरी बर्दिवास-५ बस्ने
अम्बिका गौतमको मृत्यु भएको हो। चालकलाई प्रहरीले पक्राउ गरेको छ ।
मकवानपुरको मनहरी-२ सुनाचरी सडकमा हिजो सांझ ना.३ख ६२८५ नं.को ट्रक
पल्टिदा चारजना घाइते भएका छन्। उनीहरुको वास्थ्य केन्द्र मनहरीमा उपचार
भई रहेको प्रहरीले जनाएको छ ।
यता महोत्तरीको मटिहानीमा सुकुम्बासीको टहरा हटाएको बिषयलाई लिएर
माओवादीका कार्यकर्ताहरुले महेन्द्र राजमार्गको औराही चोकमा अवरुद्ध
गरेको सडक बिहान ८ः५० बजेदेखि सुचारु भएको छ।