कोइलाबास नाकामा भ्रष्टाचार गिरोह सकृय

-ज्ञानेन्द्र शर्मा
घोराही, २७ पुस। दाङ देउखुरीसँग सीमा जोडिएको भारतको कोईलाबास नाकाबाट प्रहरीकै मिलेमतोमा भन्सार छलेर अवैध सामाग्री नेपाल भित्राउने गरिएको खुलासा भएको छ। सो गिरोहमा भन्सार कार्यालय, सशस्त्र प्रहरी बल र स्थानिय प्रहरीको मिलोमतो रहेको छ।
उनीहरुले भारतका बिभिन्न स्थानबाट किनेर ल्याएका काँचो कपडा भन्सार छलेर दाङको लमही, घोराही र तुलसीपुरका ठूला व्यापारीसम्म पुर्‍याउने गरेको बताईएको छ। शुक्रबार मात्रै भारतबाट १५ लाख मूल्य बराबरको काँचो कपडा भन्सार छलेर नेपाल भित्र्याइएको थियो।
आईतबार लमहीका टेन्ट व्यापारी एव मधेसी जनअधिकार फोरम नेपालका दाङका बरीष्ठ उपाध्यक्ष अब्दुल वहाव सिद्धिकिले लमहीमा पत्रकार सम्मेलनको आयोजना गरी भन्सार कार्यालयका प्रमुख, सीमा सुरक्षाका लागि स्थापना भएको ससस्त्र प्रहरी बलका डिएसपीलगाएतको मिलोमतोमा भन्सार छलेर सामानहरु भारतबाट नेपाल भित्रिने गरेको खुलासा गर्नु भएको हो। सो गिरोहले उहाँमाथि शनिबार बेलुका कुटपिटसमेत गरेको छ। उहाँको उपचार प्राथमिक स्वास्थ्य केन्द्र लमहीमा भइरहेको छ।
अवैध काँचो कपडा भित्र्याउने गिरोहका हफि जुल्लाह, महोमद याकुल, मोहमदर् इब्राहिम लगाएतले आफूमाथि कोईलाबास बजारमा कुटपीट गरेको उहाँको बताउनुभयो। घटनामा संलग्नलाई सीमा सुरक्षा बल कोईलाबास प्रहरीले नियन्त्रणमा लिए पनि बेलुका नै छाडिदिएको छ।